:: 新開始。
d0039085_0522212.jpg
整個四月都很陰霾,是天氣,亦是我的心情。由上月已經看好新房子到今日終於有匙在手,感覺就如坐了十次過山車,高高低低咁,但感覺唔好受囉。

本來業主說要下星期一先交到屋,我死纏爛打加誤打誤狀的情況下,終於在週五的辦公時間前攪掂,真要感謝有幫過我暗暗地祝福的朋友。

這次搵樓的經驗話我知,時間不等人及機會絕對在你手。前者是新居本來不屬於我的,但因為潛在租客等不了就放棄,我才有機會補上,假如我遲兩個星期或早兩個星期搵樓,我未必搵到這個滿意的新居。



後者的機會在你手就是.... 我曾經被地產代理的婆婆無理「cut」線,她開到口嫌煩話唔理我喎!我俾咗小小訂之後竟然係反轉豬肚。你賤,我都唔蠢。我用我自己的力量去搵到業主的代理人,私底下跟他聊了幾句,誤打誤撞地遇到好人,三言幾語就拍心口說 OK。

本來我有諗過唔付地產代理婆婆餘下的佣金,因為佢其實都無咩點出過力。但最後我都付清條數,點都好,新屋就在她的店附近及她曾經都有我新家的鑰匙,我不仁佢都可以不義,好來好去吧。

終於都定下來,我的生活都可以如常過。還有一點值得開心的就是,我一說搬屋,朋友們二話不說就來幫手,熱情到連說「不用」的機會都沒有,謝謝你們,謝謝大家。
[PR]
by karvitz | 2013-04-26 23:52 | :: 日記仔女
<< :: 我終於回來了。 :: 最後一週。 >>