:: 沒有冷氣的日子。
新屋的業主沒冷氣機提供,幸好搬進去時的天氣都還算清爽,暫時缺了都可以。

我當然早就料到會有熱的一天,當安頓好後便四出格價,價錢高低真的差很遠,而且我發現買部冷氣機比買電話或電視機都要複雜,原因是每一間電器鋪都話包「基本安裝」費,但這鋪的基本安裝是連舊機搬走都包,但那家卻只包最基本的托上去,假如要搬舊機走,又或者要開玻璃,是逐項逐項計數的,那個收費表就如跟旅行團出外的那份自費活動咁....唔怪之得呢間開價咁平。

有一日我走入S 電器店,Sell 屎亞姐鬼食泥咁介紹咗部開價三千幾的,佢見我無咩反應,鬼食泥咁問咗我一句「 xxxx (我聽唔到) 租客定自用?」咁我咪答租客囉!點知佢帶咗我去一個角落位,放住一部千幾蚊,個樣爛爛地既貨仔,之後狠狠地拋低一句「買俾租客,呢部千幾蚊 OK 架喇!」突然間我又聽到晒佢講咩!噢!原來頭先佢問我「部機係買俾租客定自用」,咦!原本親疏真係有別喎。

冷氣機在上星期又熱又濕的天氣都仲未裝好,但今個星期終於都有冷氣涼喇!真係好難體驗返以前點解可以在無冷氣的情況下,大熱天時三十度的環境下瞓到覺?我諗個地球病得真係好緊要。
[PR]
by karvitz | 2013-05-20 23:43 | :: 日記仔女
<< :: 猜猜我是誰 :: 失魂記。 >>