人気ブログランキング | 話題のタグを見る

:: 西雅圖.第二篇。

第六站.Space Needle Tower
暗湧來了。
 :: 西雅圖.第二篇。_d0039085_23562757.jpg

先前講過出發當日是星期六,人頭湧湧是理所當然,再加上呢個 Needle Tower 附近有嘉年華舉行,真的人山人海,所以導遊跟團友們說「我諗大家都唔好上塔頂,因為買票及等都要排一個鐘,落返來又等半個鐘,時間很難控制。假如有時間剩低,可以俾大家行下 outlet (即最初提及過那個) 」當時大家各懷鬼胎地就無異議,協議呢個景點只留 30 分鐘。
 :: 西雅圖.第二篇。_d0039085_235711.jpg :: 西雅圖.第二篇。_d0039085_23565191.jpg
咁樣改一改,我本來的計劃亦要改變,由最初諗住行去附近住宅區遊覽變成速遊嘉年華。以為會好悶,點知有嘉年華小姐選舉,軍隊部操表演,航空公司做宣傳大手大手咁送紀念品及不同的遊戲,半個鐘根本唔夠喉,但無計…… 時間夠就要走。

第七站.Seattle Premium Outlet
出事了。

 :: 西雅圖.第二篇。_d0039085_23573757.jpg :: 西雅圖.第二篇。_d0039085_23572472.jpg
我參加的是市中心遊,行程理應不包括這個 Outlet ,但由於要接送兩位台灣團友,我們又回來了。




暴風雨來了。

一到 outlet ,導遊就話時間唔夠,大家只能留在旅遊車上面。這話一出嘩聲四起,同車的幾位大陸女士即破口大罵「(國語) 我們的時間全都浪費在接送上面,我們玩的時間根本不多」另一位接力「你叫我們不要上針塔頂,本就是想省時間,現在又說沒時間,什麼態度!」之後所有女士都接力發聲,一時不滿意,一時又說要立即投訴……… 導遊為遏止大家的情緒,竟然將呢個波推落去兩位剛上車的台灣人身上。

導遊說他倆一定要八點前返到溫哥華市區,假如八點前未能到達,他倆當晚的船河遊便要取消。繼而導遊向各人講「你問佢地,佢地應承冒呢個險,我無所謂。」之後女士們就用群眾壓力,出到呢招,台灣人仲點 say no…… 最後我們得到額外的半小時outlet 遊。

但過了一關,還有另一關。

導遊深知你班女人,放得你入 outlet,邊有咁易出得返來,所以導遊想即時收小費。班女人當然又嘈喇,「你現在收小費,車開走了我怎麼辦,這裡什麼都沒有沒有沒有沒有沒有沒有沒有…….. (下刪九萬字)。咁當然,小費最後都收唔成,之後大家便四散。

我只有一個目標,一落車就衝,試都無得試就買了兩件 Tee,點解?因為收錢條隊幾呎咁長。最後我用咗 15 分鐘排隊,整個 outlet 遊我只用了二十五分鐘,仲有五分鐘剩可以沉思下頭先做過咩~~

最終有兩個女人遲咗十分鐘先返到來。


第八站.回程

最初我以為入美國關口會好嚴,返去加拿大應該會鬆手點,始終後者無咁多世界敵人,但原來世事往往都係相反。加拿大關口的操作有點奇怪,假如是團體入境,關員會要求整團 (車) 人集齊在大堂,不是該團的旅客就不可進入大堂等候,否則關員會對你黑面、粗聲粗氣及嚴厲地質問。而我這一團人,就遇到上述情況。

可能是回程的關係,大家都開始有點鬆懈。先是導遊無講清楚不能亂走,而大陸團員又四圍竄喎 (原來又搵廁所),傻傻地咁走咗去入境大堂。之後大家就聽見呼喝聲從裡面傳出,原來關員喝住那班大陸朋友不要亂走,雞同鴨講喇!最後勞煩到導遊出口才擺平,導致我們入境的時候換來粗聲粗氣的質問,是質問 – 由點解去加拿大到住邊度玩幾多日幾時走及身上帶咗幾多錢及買咗什麼都要問問問問,不懂英文的團友要導遊來解釋,前仆後繼咁,攪咗成大半個鐘才完成入境。

大家上車後,導遊講「這班關員的權力很大,他們可以直接拒絕你入境,同時假如他有感你冒犯一眾關員,他們可以剝你光豬搜身及長時間盤問而不需要上級指示。頭先大家被問得咁嚴格,可能就是有感你們不尊重他們國家的法律 (在大堂亂竄) 才咁做!」
by karvitz | 2013-11-09 23:58 | :: 到處留情