:: 抽水。

搬入新屋都已經有好幾個月,記得剛入伙時,有晚沖完涼抺乾身,坐在梳化睇電視時,感覺身體大部份地方都有層汗水包住咁,久久都散唔去,就算用風扇吹都是濕濕的。當時覺得好奇怪,在舊屋都未試過咁樣,我有懷疑過自己是否有病 / 唔舒服,後來再抺多一次身,感覺好返少少就當無事。當晚如常地開住風扇瞓,五月初的天氣都仲未熱,但唔知點解整晚都瞓得唔舒服,感覺是難受的。

過後兩天,冷氣安裝好後,有涼風吹吹的感覺好很多,自此就再沒有深究當時出咗咩嘢事。




直到近期又濕又寒的天氣,我終於都知道發生咩嘢事!亡羊補牢,急急腳買咗部抽濕機放入房,嘩~~ 簡直有秋天的感覺,又爽又乾,比起之前張床凍冰冰又濕濕地咁,而家真係好幸福。

其實新居與舊居只有三幾分鐘的腳程,可能是座向唔同咗,整間房好似被無形的濕氣包圍住咁,初初搬來真的不覺得,但經過抽濕機的發功,一晚就抽出大半桶水,我的判斷真的無錯。雖然跟自己講過不要再買嘢 (因為搬一次屋實在太辛苦) ,但呢一千幾百可以令我住得輕鬆,瞓得舒服,點講都係值得既。
[PR]
by karvitz | 2014-02-20 00:24 | :: 日記仔女