人気ブログランキング | 話題のタグを見る

// 六月十四日 - 人來人往

今日一返到公司,女同事立即走過來同我講:「小道消息,我地個上司唔做啦!」我問佢在邊度聽返來,佢話係另一個同事話佢知的。當我正想問清楚呢件事之際,看看更期表發現他返晏,所以這件事一直也記掛在心中。

近幾個月,我這個上司升職後,工作量多出一倍有多。每日也是朝八晚十二的工作時間,經歷了兩個多月,他開始擺出有點放棄有心態,開始想逃避。記得他之前每次放大假前,總喜愛拋低一句:「有咩事就Call 我啦」。當然在遇到有大問題時,Call 佢也會立即回家公司StandBy。但上一次的大假,他竟然說出了:「有咩事唔好Call 我住,解決唔到先Call 我,我亦唔會返來..... 」我聽到佢這樣講,我當場打左個突。一如所說,他整個的假期一次也沒有返回公司,靜靜地放假去。

自這一次開始,我便真正開始覺得他有放棄的感覺,但上司之後在工作上也無什麼不妥,所以便把這個想法拋走了。直到今日這個女同事一說,如果真的要離開他也是有原有因。

終於都等到該同事返工啦,但佢一直在忙,未有機會去問這一個敏感問題。最後,他終於停下來,我問了出口。他回答:「傻!梗係唔會啦,梗係唔係啦!」我聽完佢這樣講之後個心都定少少,因為冇左呢個上司,個部門真係有可能塌啦!

最後,該位同事和我說,佢原來係想講話人地個部門個Head 唔做俾個女同事知,而唔係自己個Head 唔做啦!唉!真係俾個女同事激死...... 聽D 唔聽D ....

正當我想放下心頭大石之際,另外一個有關上司和我說下星期在部門請食餐飯,當同D 手足開心下。我一聽到,只感到心裡又一沉,「你唔係真係走呀!」..... 呢個上司已經三番四次同我講話做野做得好累,好無意思。今次無啦啦請食飯,千祈唔好係「散水飯」就好啦!唉
// 六月十四日 - 人來人往_d0039085_123820.jpg

「人來人往」- 真係有好多人好多事係冇辦法可以令佢地可以停留在身邊,無論同事又好、朋友亦好、連愛人亦一樣....... 要走的終需都要走,只是時間唔同罷了。

~愛若難以放進手裡 何不將這雙手放進心裡
by karvitz | 2006-06-15 00:13 | :: 日記仔女