2007年 08月 31日
// 八月三十日 - 爛 gag
我:媽,我唔返來食飯呀!
媽:又唔返來食飯?
我:係呀!去睇戲呀!
媽:成日都唔返來食飯,要加錢!(即係要求加家用,老媽無論談什麼的話題也會說到加家用的!)
我:吓!加錢?
媽:係呀!
我:哦,咁加兩蚊囉!
媽:哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈,茶餐廳就凍飲加兩蚊,我又加兩蚊,哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈!
其實呢個已經係一個非常爛的gag,我講完之後都無咩反應,但套用落呢個情況,老媽竟然笑到反肚,真係無諗過。
我雖然搵錢唔多,而老媽有時開口又係錢,埋口又係錢,但其實佢都係講下笑,我知道唔係認真的。要令屋企人開心,唔一定係每星期一次的Family Day,亦不是月頭放低家用就算,有時窩心的一次對答也可能勝過上述一切,在乎溝通與關懷,並不一定是父母主動向子女溝通的,由子女做主動,其實都有需要!
by karvitz
| 2007-08-31 01:06
| :: 日記仔女