人気ブログランキング | 話題のタグを見る

:: 三月炒雜碎 - (一)

近日心情好起伏,生活太多雜碎,雖無直接影響生活,但卻曲線的影響情緒。

雜碎一

星期一見港股跌,手痕地入了貨,不是身那種,只是小小的幾個單位。

因工作關係無法即時睇住個市,只能夠每個鐘頭睇一下,波幅有幾大,個市有幾咩嘢消息,我完全唔知道。

星期一,我以為個市會直插谷底,點知先跌後回穩,單日轉向,一個下午收復大量失地,話就話大笨象撐著,但硬係覺得怪怪地。

星期二,美股急挫,以為港股都插,可能昨日買的都要回吐。哼!又一個奇蹟之逆轉,下午又收復失地,勁。

星期三,美國入市勁升,以為港股都升返千幾點啦!點知都係先勁升,後回穩,徘徊三幾百點之間,悶場收工。

望住呢三日個市,雖然我有計過自己賺幾多,但其實諗得最多的,都係「有好多事情,自己係控制唔到,而且更預測唔到。」從而覺得自己實在渺小,我就好似大海的舢舨一樣,隨風跟浪亂飄,完全失去步韻,其實咁樣都幾辛苦。

到星期三收市,短計在星期一買入的那些,都有賺 10%,已算不錯。但講真,那種提心弔膽的感覺,其實一點都唔好受。
by karvitz | 2008-03-12 23:09 | :: 日記仔女