2008年 07月 05日
:: 美日之旅 (1) - 去.日本.去
有呢一種「蹺埋雙手」去旅行的心態,大概都是因為對旅伴絕對可信/可靠,才放心把自己一貫的旅行模式擺低。
香港時間:
零四三零 (六月二十日)
一個人拖住喼,天未光就出發。
在往機場的途程中,已遇到連番怪事*,雖然無嚇一餐,但都真係幾夠特別。
旅程的第一站並唔係美國,而係日本的成田空港。
日本 - 呢個奢侈並華麗的地方,幾年前到過一次,但未夠盡興。
今次有機會重臨,已同樣打定「未夠盡興」的牌,因為 Stay 的時間實在太少,同埋我又唔可以作無謂的買賣,什麼人形燒、果凍、朱古力及一口大福,在出發前我已經完全說服了自己「唔俾買」。
:: NW 012 - 朝早七點五十分出發,終於起程。::
好好彩,航班準時抵日本,而又撞正直抵酒店的巴士有車,二話不說立即跳上車,一個多小時就到落腳地 - 池袋。
:: 典型日式酒店客房 (一人用),好鬼細間,個喼大多二吋都驚唔夠位開。::
:: 從酒店窗外望出去,一望無際好鬼靚,稍嫌天氣略差,睇得未夠開揚。::
放低行李,休息一陣就落樓下食碗丼頂頂肚,原本諗住食松屋,感受下毒男的情懷。點知松屋實在離酒店太遠,貪方便兼就腳之下就揀咗另一間都算出名的「Suki 家 」。
::牛肉丼食得多,今次我揀咗碗細豚丼,味道都唔錯。::
太頻撲了,食飽飯之後眠咗一眠,休養生息後再才出動,輕輕鬆鬆遊樂下好過趕頭趕命。
:: 夜攝池袋駅::
再出動時已經黑齊,又係搵食的時間。池袋站附近商店林立,應有盡行,想行咩嘢都有得行。我在池袋站的外圍兜了一圈,行下行下又到開飯時候。在池袋街頭唔知食咩嘢好,最後又走咗入去一間連鎖的拉麵店 - 「光麵」
:: 醬油义燒拉麵 - 看似普通,但麵條極有咬口,好好食。::
:: 中華冷麵,賣相唔錯,旅伴全碟盡掃,味道唔錯。::
※ 第一日完 ※
by karvitz
| 2008-07-05 21:32
| :: 到處留情