人気ブログランキング | 話題のタグを見る

:: 美日之旅 (3.3) - 去.舊金山.去

美國時間:
一零三零 (六月二十二日)

撇開英文的路標及路牌,純石屎造成的公路其實就好似國內的廣深公路一樣,毫無美感,只求實用。趁時候尚早,急不及待的到三藩市的第一站 – 漁人碼頭 (Fisherman's Wharf)。

        
        :: 大型路標話俾你知,你已經到達漁人碼頭。XD ::

39 號碼頭 是三藩市的旅遊點之一,裡面的感覺有點似澳門的漁人碼頭,但呢度就勝在有人氣及真正感受到碼頭的氣息。

        
          :: 又係大大個標誌寫明呢度係 39 Pier。 ::

        
     :: 如果有興趣,可以坐呢種車四圍遊,涼風輕輕吹應該好舒服。 ::

        
     :: 我認為透明膠袋上的小丑及英文字比棉花糖更有紀念價值。::

        
 :: 海獅瞓在專設在海中心的夾板上,好鬼自然及自由,與海洋公園的無得比。::

三藩市最出名的當然係金門橋,在電視及明信片上見到鮮紅色的橋加上藍天與白雲,好鬼有氣勢。但實情係三藩市天氣不穩定,常被霧鎖,唔係常常有機會見到明信片上的那種情況的。大抵就好似天壇大彿一樣,好天睇係好靚,但如果昂坪被霧鎖,真係成個彿都唔見咗啦!

        
:: 只有下半截的金門大橋,灰灰黑黑的,好唔吸引。(呢個網友好彩遇到天氣好)::

最後行埋藝術宮,點知正在裝修中,在外圍影兩張相後就撤離呢個上山落山的城市。一路中,都唔算見到太多途人,可能係星期日的關係,可能未瞓醒,又可能係享受緊天倫之樂。

        
     :: 三藩市上山落上多,好多Games 都曾經以呢度為設計藍圖啦。::

因為預訂的酒店接近San Jose (聖荷西),所以逗留在三藩市的時間唔算多。旅伴繼續自駕,我就繼續望窗聽歌,霎時間大家都覺得要充飢。你眼望我眼,唔知食咩好,最後旅伴揀咗食越南餐 (曾留學美國多年的同事都推介食越南嘢)。

好!去開第一餐美國飯。

                ※ 第三日半完 ※
by karvitz | 2008-07-10 20:40 | :: 到處留情