人気ブログランキング | 話題のタグを見る

:: 近況。

電腦壞。

壞電腦在現今社會係一件大災難,有人求神拜佛希望部電腦可以自己好返,亦有人以暴力方法去解決問題,以為「醒」部電腦兩拳就可以無事。以上實例,完全唔好笑,因為真係有人試過,係邊個?自己諗喇!

都有一年多無壞過電腦,仲記得上次壞電腦係可以用「發晒癲」三個字來形容自己,即係好似夜晚無網上就會死咁樣囉!今次,我竟然可以輕鬆面對喎!諗都無諗過!

夜晚無電腦用,少玩了MSN,但多用了電話直接對話;
夜晚無電腦用,少坐近電腦枱,多盤膝於梳化與老媽睇報紙睇電視;
夜晚無電腦用,終於的起心肝去做運動。咪講笑,無氣喘如牛兩個月,差點累到要死;
夜晚無電腦用,我珍惜可以上網的時間,務求把日常要事儘量於有電腦用的時間解決;

電腦壞了都成個星期,開始有個衝動想整返好,希望農曆新年前攪掂,放四日假時可以唔使咁悶喇!
by karvitz | 2009-01-15 12:59 | :: 日記仔女