人気ブログランキング | 話題のタグを見る

:: Karvitz's Music Picks - X

八卦音樂

講夠道理未?

從〈常言道〉開始,劉德華就開始用歌去說教講道理,雖則說教的最高決策人是走在背後的林夕,但逐漸逐漸劉德華已慢慢走上聖人之路,神聖有光,廉潔自愛。

當未知道這張大碟名為《Love Hope》的時候,聽到先派台的〈一晚長大〉就心想「又繼續說教」?

說真,〈一晚長大〉的歌不差,有種對時光飛逝的淡然味道,可惜劉德華近年太多同類的作品,開始有點膩了,但估不到第二派台作竟然是一首久違了苦情作。〈未到傷心處〉雖不算什麼大曲目,但順耳舒服又容易上口已經好夠,副歌的部份有點似張敬軒的〈老了十歲〉。

碟內大部份歌曲都觸及老生常談的及愛情,代入感比說教的作品強。

數碟內其他歌曲,〈痴心不再流行〉是一首不錯Canton Pop 的作品,談到時下愛情已變快餐模式,易來易去。仲玩痴心情長劍?而家唔興喇!由劉德華唱呢類主題,又幾匹配,用老一輩的目光去睇時下感情,原來就只係得「唏噓」兩字。〈你是我所有〉及〈I Wish〉都好甜,情人與情人間的悄悄話,一首沉重一首輕鬆。比較破格的還有〈大男人〉一首,講堂堂大男人可為小朋友放下瀟洒,甜蜜笑容滿瀉,舒服好聽。

全港最勤力、最廉潔、最好工作態度的藝人,在娛樂場所圈打滾了廿多個年頭,還可以要求更多更快更好嗎?我相信只要繼續做好自己,縱然佢自成一派私大戲腔真係唔係個個都受,劉德華都仍然會係香港之光。

小評分:《Love Hope》 6.5

------------------------------------------------------------
:: Kar' s Hot Picks

1. 七百年後 – 陳奕迅
2. 好想要揮霍 – 盧廣仲
3. 獨行俠 – 藍奕邦
4. 不要重播 – 林一峰
5. 聽得見的青春 – 衛詩
6. 悲哀代言人 - 關楚耀
7. 舉高隻手 – 農夫
8. 十面埋伏 – 陳奕迅

:: 我諗呢個〈七百年後〉 crossover 《Wall.E》 的自制MV已經相繼在各位的MSN 及 E-Mail 流傳咗十幾廿次,唔使諗,林若寧一定 Base on 《Wall.E》 個故事去寫。單睇份詞,感動不足而且覺得空泛,配埋畫面感覺雖然有所提升,但都好似唔應該隨手執起別人的故事再轉化成歌詞就交貨,好似有點那過。再且,林若寧都已經唔係第一次,如果係咁,我期待佢寫埋《功夫熊貓》、《冰河世紀》及《變形俠醫》囉!

:: A-Music 嚴正地講明如果衛詩有吸毒就立即解約,好惡喎!但立壞心腸咁用唱片公司去計,我相信做衛詩呢個歌手係一直都蝕緊錢,由第一隻碟開始有俾到驚喜外,一直都停滯不前,無論在形象及歌路上。好喇,上次盡地一煲谷隻精選碟,又谷胸又賣性感,希望挽下個聲勢,但成績都係估到咁唔賣得。今次出事,A-Music 順水推舟解埋約真係唔出奇。

:: 而關楚耀呢?全行都認為佢係乖乖仔,好證據確鑿咁話佢係俾人害、俾人呃,但實情邊個知?但如果我係環球,我會好保守咁睇定先再算,話晒而家賺緊形勢,雖然呢件事對關楚耀一定係輸。
by karvitz | 2009-03-15 21:53 | :: 有歌而發