人気ブログランキング | 話題のタグを見る

:: 馬尼拉.蘇碧灣.六

{馬尼拉.菲律賓}

出發前講過,呢程未必會好玩,而且未必會好買,但原來一切預計都錯晒。但好彩,行程預計的所有都順利完成,無被騙無蕩失路無嘈過大交,真係要謝天謝地。

當你見到我玩得好似好開心咁,而自己又想試下去,有幾件事我係必須提醒你。



1. 當地交通非常差劣,如果你唔習慣同人迫同人擠,你揀的士出入都有可能換來一肚氣。如果你接受能力大到可以食塵都無問題,其實Jeepney 真係最方便同埋最實際,因為佢地一定唔會呃你。

2. 馬尼拉唔算係一個旅遊熱點,有時想搵景點去睇,真係一個路牌都唔會有,所以最緊要有夥開放的心,走前去問下路人,咁最好當然係問警察,唔使擔心好難搵到警察,真係通街都有,而且每個都好熱心幫忙。

3. 香港人始終係快手快腳的賤骨頭,去到菲律賓亦都請放慢腳步,但講真,菲律賓人的辦事效率已經算唔錯,起碼在快餐店見到各人的動作都係有效率,而唔係慢慢拖住做。

4. 要習慣去邊度都要被查身搜袋。呢個係佢地的習慣,所以去到大商場,行裝盡量輕便就最好,再唔係,大部份百貨公司及大商場都會有行李暫存,免費的歡迎大家使用。

5. 英文大部份地方都通用,但因為各國地方口音問題,你聽佢講及佢講你聽都請耐心少少。

6. 最後提醒,大家血拚都咁上下,記緊留返P750 來做機場稅,如果唔記得,就只係任由機場的兌換店劏喇!


25032009 – 0945
最後衝刺,返回第一天的SM Mall of Asia 血拼。好嘢,真係好嘢!全個商場只係唯一一間麥當奴有做早餐,就連Jolibee 都要搭正十點先開。嘩!咁麥當當真係獨市喇!



25032009 – 1015
最後入咗另一間快餐 - Greenwich,朋友繼續點碟頭Set,我就晨早流流食個 Lasagna。可能係第一個客的關係,個Lasagne都好有水準,吾友都擦咗成個餐,嘩,成個焗飯食咗,俾著我,真係飽到上心口!







25032009 – 1030
分道揚鑣,1415 再集合。

其實 SM Mall of Asia 位於馬尼拉灣旁,日落時份聽說有十個靚,可惜今次無緣睇到。咁其實都好呀,可以俾自己有個藉口再來多一次馬尼拉。

25032009 –1415
血拚完畢,每人揹一個手抽兩個咁離開SM Mall of Asia。的士司機亦好禮貌咁自動跳錶去機場,P100 就搭到機場。



兩條友拿拿臨到機場,拿拿臨拎機票,拿拿臨過關,拿拿臨坐低食過飽,就係因為拿拿臨,打後的回程就一張相都無影,就咁玩完呢次旅程。

菲律賓.我一定會再來。:P
by karvitz | 2009-05-05 23:34 | :: 到處留情