人気ブログランキング | 話題のタグを見る

:: 工作上的小情小趣.二



第二篇

繼續係呢位阿姐。

前題講過,她長居過美國九年,都可算是半個鬼婆。她可以用乳酪點薯片吃,又可以用薯條撈飯當Lunch 食,活在成班同事都係地道香港麻甩佬的部門,她的舉動令所有同事都嘖嘖稱奇,簡直蔚為奇觀。

又為咗表明她是半個鬼婆,她又試過穿鮮橙色上衣,杏色長褲返工,OMG!!!杏加橙 (色) 都著出街,真係唔話你係半個鬼婆都唔得,真係拎膽。(最慘係佢著到返公司,我地話埋俾佢知杏加橙,佢都唔知咩事,真係純到爆炸。)

既然講得杏加橙,唔差在講埋呢個。

在一個以男人作主導的環境下工作,部門少不了有粗口的出現。同事們唔算爛口,有時只係講下諧音就算,絕對唔會爆一句十八個字的粗口。有一次,上司惡罵外來的工程師揸流攤 (得個樣又交唔足貨),不斷地鬧佢「十九」工程師、「十九」工程師。阿姐當然唔明,不斷地問到底點解叫個工程師做十九,又唔叫做十八或者二十。

再且,佢仲跟埋上司的口吻,開口埋口叫呢位工程師十九。哎呀!女仔人家講呢啲嘢,羞家喇!

最後我們一班同事勉強咁解釋「十九」的意思予阿姐聽,但佢始終都係唔明。唉!咁各同事都算數,唔去再解釋,唯有語重心腸咁同阿姐講句:「呢句係衰嘢,女仔唔好亂講」打發咗佢就算喇!

唔.....咁你地又明唔明「十九」係點解?

待續。
by karvitz | 2009-07-14 21:20 | :: 日記仔女