カテゴリ::: 環遊世界( 4 )
:: 塞舌爾群島
又有貨船在亞丁灣被索馬里海盜騎劫,今次被劫的主角更出自我國,報導當然愈加緊張。新聞提及貨船在塞舌爾群島被劫,原來距離索馬里本土都好一段航程。

從電視新聞看到的地圖,塞舌爾群島基本上細到「睇唔到」,但集合幾個位於海中心的群島,風光一定秀麗,而且污染極少,應該是旅遊熱點。

幸好塞舌爾群島附近危險加上沒有曼谷芭堤雅般方便,所以藍天與白雲加細沙就到處可見。不知道海盜會否在空閒時間在附近島嶼 hea hea 玩玩呢?


:: 風光如畫嗎?我覺得似細時屋企掛出來的拉頁年曆裡面的其中一幅相。

:: 繼續旅程
[PR]
by karvitz | 2009-10-30 23:10 | :: 環遊世界
:: 里約熱內盧
南美洲終於抬頭,巴西的里約熱內盧 (Rio de Janerio) 奪得 2016 年的奧運主辦權,除了森巴加年華及耶穌山,奧運將會為里約熱內盧多加一項為世人所認識的事項。

香港無直航飛里約熱內盧,最直接方法是由香港飛美國,或先到歐洲,再轉飛巴西。如果加埋轉機時間,最保守的航程都需要三十個小時,是飛一個整天都仍然未到目的地,簡直恐怖。

有位朋友曾經到過里約熱內盧,屬征戰連連的他,是搭慣長途機的旅人,但一樣接受不了飛三十多個小時航程,可想而之香港飛里約熱內盧是何等辛苦,何等費神。

實景的去不了,睇相頂住癮先喇!


:: 里約熱內盧國際機場


:: 高炒耶穌山。


:: Ipanema beach, 當日申奧成功,擠爆沙灘的現場。


:: 羅馬式建築的Arcos da Lapa,外觀一流,現為當地的劇院。


:: 藝術館的飛碟形靚絕,香港的西九可以要一個嗎。


:: 市內,其實都幾夠繁華。


:: 地鐵站內風景,看似簡陋,但實質設計滿分。

下.期.續.
[PR]
by karvitz | 2009-10-09 22:45 | :: 環遊世界
:: 維京果島
這個星期,先分享一個旅遊小故事。

在網上亂竄,見到有網友的旅遊記,內容大概如下:
話說一行四人,坐Airasia夜晚八點十五分的機,由深圳飛吉隆坡。

下午五點幾,四個人先由香港坐直通巴士上深圳。六點鐘到黃崗,知道廉價航空無飛機餐,所以先食個晚餐,六點九離開食店搭車入機場。之後網主話去機場的路好塞車,差唔多八點先去到機場。

去到機場,一行四人見到Check in 櫃位已經污燈黑火,之後各人就開始埋怨 ………

他們竟然是埋怨深圳機場個 Check in 櫃位咁早收工,再埋怨Airasia 的櫃位無人,又再講話香港個機場都無咁早收工,深圳機場bad bad bad 喎!他們在無可奈何之下,四丁友搭車返香港,希望可以在即晚在網上改機票,務求明天再出發。

第二日,四個人肉痛地補水一千九百幾,轉由澳門出發 ……. 終於成功起行,最後仲加多句:「以後都唔會去深圳機場...!」

睇完成個故事,有何感想?

第一:八點十五分機,八點先到機場會唔會過份咗呢?而飛機與巴士地鐵唔同,唔係上咗客就可以立即起飛,而仲要做一大輪安檢及巡查先可以起飛。而飛機在八點應該閂咗閘等起飛,就算個Check in 櫃位有人,都唔會幫到你。

第二:點解唔識自我檢討, 明明是自己無時間觀念遲到,反而埋怨航空公司櫃台無人幫,真係睇到都眼火爆。

第三:想自由行玩得開心,出發前應該要做好準備。需知道出發前個半鐘頭就好到機場準備,而護照及VISA亦要檢查好,再搜集及了解目的地的旅游點,熟悉當地的文化,做好心理準備自己將會去什麼地方,避免去到目的地時覺得貨不對辦,令自己唔開心。

Case 睇完,又是介紹超現實旅遊地點的時候喇!

:: 繼續旅程
[PR]
by karvitz | 2009-09-26 23:52 | :: 環遊世界
:: Antigua Island
又到九月旅遊淡季,是時間準備一下外遊的時間表。到底去立山黑部睇紅葉好,還是去台中振興其旅遊業,定係買張七百五十蚊超低價機票去曼谷嘆下好呢?

如果東南亞已經滿足唔到大家,不如探索下咱們香港人少接觸的地方吧!而家決定開多欄《橫油細蚧》,定期介紹下一些未開發,你同我都應該未去過的地方,當開開眼界吧!

:: 繼續旅程
[PR]
by karvitz | 2009-09-16 23:43 | :: 環遊世界