カテゴリ::: 人生小體驗( 109 )
:: 倒扣。
人儲分,我儲分,我幫老媽儲到負九千幾分,激鬼死佢喇!哈哈
(這是上年的事了。XDD)
d0039085_0344691.jpg

[PR]
by karvitz | 2015-01-09 00:34 | :: 人生小體驗
:: O Cake
幾年前初來這個部門,最年青的是我,被同事們多多照顧都是理所當然。

近幾年部門大肆擴展,新入職同事一位比一位年輕,更不乏青春少艾。有一次,一位樣貌只得十六、七歲,但喜歡睇《大時代》、用腐乳撈飯及性格似婆仔的八十後期 (廿幾歲) 的女同事同我講「我每次行過樓下大閘,個食Q 就不停 sip sip sip 喇,有時仲問我食飯未?我超級唔想理佢...佢好煩,咁可以點...」

啊!原來俾仔撩....

霎時間,我個角色變咗老豆教緊阿女點做人咁!=_=”

雖然我咁講,但我都喜歡跟一班後生仔女去傾去玩咁,就算俾人叫到「老手」或「叔叔」都無計,最緊要係大家開心。(其實....我真係唔係老手喇!嗚...)
[PR]
by karvitz | 2012-12-05 23:20 | :: 人生小體驗
:: Life of Pi
d0039085_2335014.png
多謝友人邀請,可以先睹這齣金像大導李安的最新力作《Life of Pi》

假如有興趣入場,我認為可先把小說讀完,有個故事的概念,對劇情有絕對幫助。開首的十分鐘,有大量一頭霧水的訊息,由名字的由來到主角小時候的生活,劇情推展都算快,正如之前所講,對故事有丁點概念的可入戲更易。

故事簡單點說是一個開設動物園的商家,因政局動盪,舉家 (連動物園加動物) 坐船遷移到加拿大定居。船遇上風雨沉沒,倖存的就只有主角 Pi、一隻斑馬、一隻猩猩、一隻狼狗及另一主角 - 老虎,一同在船上飄流二百多天的故事。

:: 繼續悅讀
[PR]
by karvitz | 2012-11-15 23:17 | :: 人生小體驗
:: 老頂個老頂
講完老頂,今次講我老頂個老頂。

我除了直屬老頂外,更加直屬我老頂個老頂,咁我稱呼佢為大老頂。

大老頂睇幾個部門,一腳踢晒十九幾萬樣工作,咁做唔晒就自然要分落來俾班細既幫手,但如果件事非常重要及牽涉到更高層,大老頂通常都自食其力,自己揹返。

有個部門阿頭搵大老頂幫手,實際上只係一單雞毛蒜皮事,但佢唔想得失別個部門的阿頭,咁佢自己哽埋來做,但背後既資料搜集就跣咗落我到,咁幫幫手當然無問題,受人錢財,替人消災的道理我係完全明白的。

:: 繼續悅讀
[PR]
by karvitz | 2012-10-18 21:58 | :: 人生小體驗
:: 三月炒雜碎 - (二)
近日心情好起伏,生活太多雜碎,無直接影響生活,但卻曲線的影響情緒。

雜碎二

上星期,走左去 Yahoo 拍賣場搵下平靚正CD ,諗住睇下有無荀貨。點知,我搵到一隻全新的,又相宜的心水唱片,當然立即落Bid 啦!過兩日,好好彩俾我 Bid 到 (係要用好好彩) ,之後與賣家溝通,佢話全新的無咁平,二手九成新的都有一隻,問我要唔要。我覺得問題不大,一口答應而且翌日立即過數。

點知過數後,賣家再提出話個碟盒爛左,只係得CD 而無盒。我登時「下」左一聲,由全新變二手到爛盒,最後只得兩隻碟??有無離譜左小小呀。之後當然同賣家理論,而且把呢個個案投訴予Yahoo 拍賣場作備案。

最後賣家決定退錢,我當然無異議,同時間賣家亦解釋唱片從可而來及不是存心欺騙,我完全接受她的說法,但她卻遲了兩日先講,如果一早講明「無盒、只得CD」就唔使攪到大頭佛!

呢件事,我一點勞氣都無,正如賣家所講「要呃都唔呃幾十蚊」,我係明白的。在呢個情況,我都覺得錢唔緊要,幾十蚊豪俾你又點話,但我卻執著於「誠信」呢兩個字。

一個人有幾信得過,交談過共事過大概可以知道,但網上世界千奇百怪,有邊個可以話網上的「自己」係百分之百真實?

攪左幾日,最後呢次交易都係泡湯,我當然有丁點唔開心,但我見到呢位賣家盡力堅守那最後的誠信 – 就係如期退錢俾我,我都已經覺得有丁點安慰。

唉!講真呀,網上的誠信,又有幾可信呀?

搵 - 鬼 - 知。
[PR]
by karvitz | 2008-03-15 21:30 | :: 人生小體驗
// Bell Boy
我是一個Bell Boy,是香港一間頗有名的酒店Bell Boy。小時候家境不太好,中三畢業後便開始了我的「搵錢」幫補家繼生涯。跌跌撞撞地走到現在這間酒店當庶務,為的也是貪人工比其他地方高。一次機會,令我轉職到大堂當Bell Boy。家裡一直欠缺的也不是「愛」,是會作怪的「錢」,就是這一個簡單的原因,令我每方面也會向「錢」看,而不懂向「前」看。

有興趣就繼續睇啦....
[PR]
by karvitz | 2006-06-17 00:15 | :: 人生小體驗
// 有過去的 (二) ....
[我唔識用一段完整的文字去表達我想講的這一件事情,但希望可以用一點一點的資料拼湊得到同一個感覺啦]

朋友在Blog 說:「一件期待了二十六年的事,終於都出現了!」
我想:「嘩!這件事在我眼中只是小事一樁,十七歲的那個秋天已經出現了。」

世界太大,人類太渺小。
如果要每件事每樣東西也要經歷,可能真的要花上幾千個年頭才可以達到這個目標。
原來有些事,我一直也覺得是平凡及普通的,但在別人眼中卻是一件瑰寶,一件期待擁有的瑰麗寶物。這一種感覺,已經不是第一次出現了,是我經歷太多,還是我比較不幸,什麼事情也會讓我遇到?

小學時代
- 舊式屋村長大,野仔通街走。雖然係「污糟臘蹋」,但過得真係好開心。
- 小學放學後,一碗生蛋加豉油撈飯。雖然普通,但而家卻永遠吃不到那個感覺。
- 一個好惡的叔叔走到屋企教我做功課,好驚因為好惡,嚇到「瀨尿」。當時真係好驚,「瀨尿」係因為叔叔話唔做好功課唔俾去廁所。
- 海洋公園及荔園都是常去玩的地方。後者已經剷平,並且建成高尚住宅了。
- 一個人一大清早由將軍澳乘車到鴨利洲,為的是「玩兩日,過Weekend」。但如果沒有了這個經驗,我又會不會愛上了自由行呢?
- 金絲貓、神奇筆盒、金牌搖搖、周慧敏燙金咭、鉛芯筆樣樣都有,但就係冇左一個勁天真的童年。

以上「小時候」發生過的事,你得到的又有幾多?

最開頭的那件期待了廿六年的事,其實就是上兩個星期的那次大嶼山宿營。

你 - 有試過嗎?

:: // 有過去的....

捨不得有幾多 得不到有幾多 這感覺大概你都遭遇過
[PR]
by karvitz | 2006-06-11 03:54 | :: 人生小體驗
// 初戀
前幾天的晚上與媽媽坐著一起看電視節目,媽媽失驚無神地靜靜的對我說:「喂!你知唔知你細佬拍緊拖呀?」「佢個女朋友好矮」「佢貢細個,拍拖唔係幾好喎?」

我笑笑地回答她:「我知 … 我知道佢應該係拍緊拖!佢女朋友矮?我覺得係你個仔高囉 ( 我細佬都有六尺高) ,佢細個?廿歲啦!都仲細?」之後媽媽再笑笑口細細聲講:「佢都未夠廿歲,十九歲多小小咋 (其實佢七月就已經廿歲 ),我在銅鑼灣見到佢拖住個女仔一齊行街啦,我一見到佢地就垂低左個頭,好彩冇俾佢見到啦!」

我插咀說:「貢都俾你見到!」媽媽繼續傻傻地說:「通常初戀都應該係冇好結果,但貢細個就拍拖就唔好啦!」我嘩然:「初戀冇好結果你都知 ( 我心想你都幾犀利,你梗係偷睇得多阿妹的小說,一係就真係細個睇《姊妹》睇上左腦 ) ,其實拍下拖都好應該啦,廿歲人唔通真係日日夜夜對住電腦玩 Online Game 咩?貢樣你仲擔心啦!哈哈!」

之後媽媽嘻嘻嘻左幾聲,我又笑左幾聲,最尾佢都係話:「不如你幫我問下佢係唔係拍緊拖啦!你出聲問好似易開口點!」我答:「哎呀!唔問啦!當佢係拍拖算啦!」之後大家又坐返定定繼續看電視,當無事發生過一樣,哈哈。

d0039085_0294639.jpg


聽到媽媽擔心細佬的戀事,有點驚訝又有點好笑,因為這是第一次聽到她在擔心家裡的戀事,但我覺得最到 Point 的地方是「初戀通常都係無好結果」的這條道理。媽媽說出了重點,但我卻想到「初戀後遺症」帶來的後果。

其實初戀大多數也是草草收場,第一次去「愛」,什麼也不懂,只知道「你愛我我愛你」便算。日子久了,感情轉淡,大家經驗太少而不懂得維繫便落得分手收場。日子一年一年地過去,資歷每天每天地增長,終於也學懂怎樣去愛,但一切都已經過去回不了頭。哎!我的初戀又何嚐不是傻下傻下地過。想回頭,又再次感嘆自己當時真的「愛」錯了..... 可惜。


~ 再見 美惠              ~ 後來
從前仍年  極執迷           後來 我總算學會了 如何去愛
最魯莽也最深刻 苦澀但難忘一世    可惜你 早已遠去 消失在人海
別個仍難以代替            後來 終於在眼淚中明白 
                   有些人 一旦錯過就不再  
從前流淚發誓一切
再見了也會祝福 失去亦難能可貴     ~ 戀愛最初回
tomorrow's another day       初戀總錯過 友情歌說過 全是沒有結果

~ 多謝失戀
靠當天喜歡過 錯的人  今天先會 自我解窘
無論初戀多麼的 感動人 更好的愛 前面等

無法一起都總算 愛過些人 借過你體溫 練習擁吻
明白要讓我這樣 年輕過 至懂得誰最 合襯
      
~ 十個他不如你一個          ~ First Love
人人初戀得一次 太回味那時      You'll always be inside my heart 
人人自然自私 要耗盡才終止       無論何時都為你保留一個位置
以後無論再找十個他           I hope that I have a place in your heart too
不相似 甚或要 懷念到再來一次     Now and forever you are still the one
[PR]
by karvitz | 2006-06-06 23:18 | :: 人生小體驗
// 故事.是真的嗎?
ICU 並非電視台下午的兒童節目名稱,TB 亦非解作Tom Boy,我想說的 ICU 及 TB 是指醫院裡深切治療部及肺癆。

今晚有機會欣賞了一個再三登場的表演,故事中主角的愛人患上了急性肺炎,而需睡在深切治療部的隔離病房。主角不能探訪,不能關顧,不能聯絡,一直一直地呆呆地等,等一個他希望得到的消息。故事最後,兩個人緊緊地摟在一起,主角所說,這一下混合了汗水的擁抱,是他們多年來最浪漫、最「愛」的一次。

看到這裡,你大概會說:「這些事做戲先有啦,深切治療部、隔離病房這些字眼應該只會出現在電視啦,現實點會有呀!」

如果我沒有知道,我也會覺得這是一個故事,一個演出。但如果我話你知,我真真切切地知道真有其事,現在真的有人躺在那深切治療部的隔離病房裡真是一個肺癆病人,你又會點睇?

看到表演的最後,我開始覺得這個故事是「真」的,男主角賣力的演出,聲嘶、力竭,他完全做到了。我相信這個演出是背後工作的他們其中一個的故事,有血有淚有聲有畫。

雖然表演最後是一個頗圓滿的結局,但不知為何,我仍是帶著一點點的哀愁離開。有這樣的感覺,大概都是因為這個有血有淚的故事,在真正存在的結局應該是淡淡淡淡。

如果你知道我看了一個甚麼樣的故事,我用直覺話你知,Micheal 的故事應該是真的.......
[PR]
by karvitz | 2006-03-20 23:57 | :: 人生小體驗
// 朋友.唔開心的時候會做咩?
俗語說「人生不如意事十常八九」,有人為愛情而煩惱、有人為金錢而不快、亦有人會為家庭而低落,每個人在面對這些不如意事的方式也有不同。隨便地問了一些不同的朋友在不開心的時候會做些什麼,看看以下有那些尋開心方法會與你相似吧!

Image hosting by Photobucket

同事Kitty : 我會一直向前行,因為一直向前行可以暫停腦部的思想,呆呆滯滯地行完後,心情便會轉好。

同事賴生 : 打遊戲機、找朋友傾訴一下,唔同的唔開心有唔同的尋開心方法……….. (下刪一百字無聊對話)

洪生 : 做自己喜歡做的事,只要不傷害別人,自己又會開心便什麼也會做!

陳生 : 唔同的唔開心情況有唔同的處理方法 … (下刪五十字問侯說話)

Eric 一號: 做Gym

Eric 二號: 唱Karaoke 啦…

玄音 : Talk with friends and play

麥麥姐 : 食好多好多野……

網友人哥 : hmm……我會唔出聲、唔接電話,一個人周圍行,會去食自己想食既野,會去買自己中意既野,或者會睇場慘戲乘機喊一餐,大約係咁啦!

網友安格斯 : 聽歌、唱歌、彈琴、訓覺

Will : when i was not happy i usually went to a place, usually beach or at least rural area, where i have never been before, looking at the sky, see water and everything in front of me and all of the sudden these unhappy feelings went out.

小奧 : Sleeping....

k_wasabi : 我會把自己鎖左自己的房,根住聽歌及吃朱古力。最後大攪訓。

Solan: 唔開心通常都會同朋友傾訴或者寫日記,之後瞓醒一覺可能已經開心番,比較嚴重嘅唔開心就只能夠等時間去慢慢瓦解了。

Evan:喪喊 + 喪聽慘歌 + 打電話/閂門Then一野訓到大天光

我 : 自己一個人呆呆地瑟縮一角唔知會做咩,電視無論是播笑片或悲情片,我的面上也是同一個表情。除了返工之外,腦海不是一片空白,就是圍繞著那件不開心的事,久久才能沖散。

Image hosting by Photobucket

:: 在這次無無聊的小統計之過程中,有不少朋友都問我是否有事發生。一個平日嘻嘻哈哈的人,突然失驚無神地問一些神色凝重的問題,情況就如好朋友無啦啦在電郵寄給你一些鹹濕網站或有毒附件一樣,「佢一定有問題」此六個字一定會出現。

問題解開了,我現在沒有問題,就算我有問題,大概你們也不會見到。哈哈,你們都沒有幾何可以見到我呆呆地坐灰梳化傻傻地看著電視呀...... 開心唔開心,我自己都應攪得掂啦!

其他朋友們,你們又會做些什麼呢?
[PR]
by karvitz | 2006-03-11 00:45 | :: 人生小體驗