<   2010年 04月 ( 9 )   > この月の画像一覧
:: 一零音樂.十三.電台情歌

:: 〈三分鐘〉- 出自梁漢文一九九年的《隨時行樂》大碟

香港的電台節目愈來愈少播歌 (寫的時候都仍未宣佈民建聯買 airplay),新歌派台都勉強,舊歌重播就別妄想在黃金時段可以聽到。在復活節假期間,大伙兒到澳門珠海玩了個三天兩夜,在珠海逗留的兩天,在不同渠道都聽到一些八、九十後舊歌,有時在巴士的電台,有時在電視的頻道,有時就在繁忙的商店內。

.香港的巴士被路訊通侵佔,在啟播的初期,每次循環都有兩至三首 MV播出,這是我待在巴士裡最期待的一刻。現時路訊通的廣告多到爆燈,那有時間替你宣傳新歌,就算唱片公司肯買時間播歌,廣告費都太驚人,紛紛都打退堂鼓。反而珠海的巴士則簡單地播電台節目,不時都會播一些九十後的廣東歌,一撮被短暫遺忘的歌曲,重聽的感覺真好。

:: 繼續音樂
[PR]
by karvitz | 2010-04-28 22:07 | :: 有歌而發
:: 動車之旅。


先前講過的艷遇之旅已胎死腹中,代之而起的是一程艱辛之旅。初步計劃中的行程約七至八日,旅行模式是揹個背囊執幾件衫就出發,而全程就採取無飛機模式,主力由陸路進發,講到呢個位,大家估唔估到呢程會去邊先?

前排鬧得熱哄哄的高鐵項目,目的就是想與大陸的高速鐵路系統接軌。待一切發展完成,全個中國都高鐵的蹤影,屆時十幾億人民都受惠。我贊成建高鐵,但不贊成耗資在西九設總站。這種高鐵既舒服又快速,而且穩定性又夠強,應該大肆推廣的,可惜我卻偏愛舊,愈老爺愈噴黑煙愈慢及窗戶可自由開動的火車,才是我的最愛。

再過多幾年,這些所謂「普快」的列車應該漸漸被大城市淘汰。深圳火車站已沒有普快的班次開出,如果要在深圳搵普快列車,深圳西站都仍有數班可供選擇。我去過深圳西站一次,那邊比較多民工聚集,香港人少之有少,那次只是小試牛刀由深圳西坐到廣州,幾個小時車程,加埋黃昏日落景,印象都幾深刻。

:: 繼續悅讀
[PR]
by karvitz | 2010-04-25 01:50 | :: 日記仔女
:: 自由行


出門旅遊,最緊要是安全好玩,有無艷遇都是後話。在背包客討論區爬文的時候,發現有一帖是講旅行的艷遇。而個案大多是集中在女生的自遊行,跟當地的導遊漸生情愫,在異地譜出一段情緣,這樣浪漫的邂逅,女生點可能唔敗陣。

眾多個案中,她們覺得甜言蜜語不是最重要,著眼的反是那些細微的動作,例如拖著手過馬路,細聲叮囑等等讓人覺得親切的行為。咁當然,樣貌標誌都是這些導遊的其中一樣本錢。

:: 繼續悅讀
[PR]
by karvitz | 2010-04-20 22:40 | :: 日記仔女
:: 志明與春嬌
前話

.《志明與春嬌》未正式上畫,我就搵定朋友去睇,找一個常看電影的朋友,他劈頭同我講話「上次《破事兒》已經俾我坤咗,今次個男主角,睇多兩眼都頂唔順,唔睇!」我諗你既然咁決絕,當然唔會強人所難。正式上畫後的幾天,那個朋友跟我說「好睇,呢套戲一定要睇!」我心諗「之前叫你睇又嫌三嫌四,而家轉頭又話好睇,超!」



.一致好評,由票房慘淡到加場大收,實在是口碑太好,問十個九個讚好,雖然而家只收緊四百幾萬,但口碑佳就已經勝過一切。

.故事不必說太多,一段由打邊爐 (圍埋一齊在後巷食煙) 開始的六日姐弟戀。男的剛分手,女的就與拍拖五年的男友平淡了,兩個撞埋一齊,就是五個字形容晒「姣婆遇著脂粉客」。

:: 繼續悅讀
[PR]
by karvitz | 2010-04-18 23:20 | :: 日記仔女
:: 女同事,四.自己拎來 X

:: 去行山喇!

屋企電腦壞咗,間接令到女同事系列繼續。

上一期說到女同事復活節宅在家,我問佢點解唔出去行下山,其實係有前題的。

話說復活節前的某一個週日,公司攪咗個慈善籌款活動,要大伙兒晨咁早起身去行山。而我被上司點中要出席,而女同事就一早參加咗。而同行的,還有兩位要做 Supporting 的同事。

當日女同事的衣著稱身,橙色汗衫配運動衫,但配咗一個 Shocking Pink 的單邊揹手袋,佢報稱話有兩支水及少許零食在包包裡面。我問佢「點解唔揹個背囊或者放低係 Office 回程先拎?」,佢話「上次行山都係咁揹!都唔係好重!」

:: 繼續悅讀
[PR]
by karvitz | 2010-04-17 01:33 | :: 日記仔女
:: 一零音樂.十二.陳奕迅.ifpi.張國榮
八掛音樂



.參考過去賽績,陳奕迅的尾場演唱會是絕對唱到夠晒皮先會散場。今次都不例外,既有新碟《時間蒼蠅》(出自邁克) 的頂頭裝置,更有 DUO 的白色睡袍上場,有心思。

揀歌方面,把 Encore 的備用歌單一併唱晒,加埋唱錯晒歌詞的〈一絲不掛〉,唱到十二點五十分先散場,粉絲們大叫喜愛。無奈尾場的門票難求,拍賣網高價放售,要入場參與呢個香港演唱會史上,紅館最遲散場的演唱會,真係唔易。

.IFPI 又公佈成績。勢估唔到衛蘭買贏咗容祖兒,前者只出過一隻大碟《Serving You》及精選《Wish》,後者就又大碟又演唱會 Live CD, DVD 計埋晒一齊,都鬥唔過 Janice,得出呢個結果後,不再是一面倒的英皇,對 IFPI 有丁點改觀。而男歌手最賣碟,就由真係好紅的林峯奪得,算是為最受歡迎亞太男歌手之名爭返一口氣。

.又到四月,又是懷緬哥哥的日子。陳奕迅在四月一日晚的演唱會就特別再加插〈追〉一曲作悼念;而唱片公司就推出一隻《I am what I am》精選來紀念,美其名是用來集體懷念,但說穿了就是想賺一筆。不相信?上年最高銷量的大碟 (IFPI 頒發,無計四大外資公司) 是哥哥的精選《最紅》,再加上精選的另一半《最熱》,銷量可能更勝林峯,拍得住陳奕迅都唔出奇!所以才不時翻叮再翻叮喇!

---------------------------------------------------------
音樂推介

上星期是哥哥的〈寂寞夜晚〉的國粵語雙聲道播放追。這個星期在家裡聽出哥哥的時候,在唱片堆裡發現〈寂寞夜晚〉原來還有英文版,名《To You》,收錄於當年的韓國版 EP 裡,而且仲要親手填詞,哥哥有幾愛呢首歌?一歌三唱,不用再說喇!


[PR]
by karvitz | 2010-04-11 23:17 | :: 有歌而發
:: 女同事.三.愛就宅一起。

:: 其實公司有呢類同事攪下嘢會唔會開心小小?

反應麻麻,但我偏想繼續寫。

話說部門是男性主導,比例是九比一,女性從來都是稀有動物,不單是數目上,連性格上都可見一班。

繼之前的笑爆放洋回來的中女同事,而家就有呢位處理能力值極低的同事。從來都無形容過其外貌,其實乏善可陳,個子不高約五呎三,面細,架眼鏡,頭髮蓬鬆及有點脫髮跡象。跟前中女同事講起,她都話女人好少有呢種情況,認為比男人更難堪。

:: 繼續悅讀
[PR]
by karvitz | 2010-04-10 20:20 | :: 日記仔女
:: 女同事.二
女同事又出場。


:: 真係辦公室如戰場?

上次說到有事發生就只懂得向我求救,今次醒目咗喇,懂得自己處理,最後都攪到一鑊泡又搵我幫手。

話說有同事的工具壞咗,因為仍在保養期內,拎回廠維修的工作就交咗俾女同事去跟進。咁同時間又有兩、三樣工具都要一併送廠維修,女同事就拍晒心口咁話全權負責。由聯絡到交收及跟進,都自己一個人處理,我其實幾 appreciate 她呢種勇於承擔工作的動力。

:: 繼續悅讀
[PR]
by karvitz | 2010-04-04 23:30 | :: 日記仔女
:: 二度深圳遊.下
上期問到,到底大陸人有無好人?


:: 深圳分行在橫街窄行,唔知有無狗仔在門外捕呢?

自己對那些突如其來表示好意的外人會作出一定的防範,什麼國藉都好,總之笑口騎騎走過來的,我都覺得他們是不懷好意。今次,我又有個經歷。

話說在網上預訂了酒店房,手續確認了便覺得一勞永逸。到酒店大門時發現裡面烏燈黑火,而招牌亦強行地用紅布封起來,明顯是臨急臨忙的結業。當大家都著急之際,一位年青人抽住兩個菜肉飽行埋來問我們有什麼可以幫忙,我們問為什麼酒店會關門,他說酒店已於昨天被幹部飭令關門。

當我們有點猶豫時,他伸手把香煙遞過來問我們抽不抽,就是這一個舉動而令我的不懷好意感直線上升。至於我們問他最近的同系酒店在哪,他說向前走八百米就會有,我們說過謝謝就立即鬆人。

在一直向前走的時候,我都不敢相信前面會有另一家同系的酒店。但最後又真係搵到喎!我又懷疑自己到底有沒有懷疑錯呢位男子。

咁到底大陸人有無好人呢?

:: 繼續悅讀
[PR]
by karvitz | 2010-04-01 23:42 | :: 日記仔女