:: 2011 音樂結集.十四

《美妙生活》林宥嘉
d0039085_22394152.jpg

〈說謊〉唱到爆紅真是個神話,這種曲式在隨處可見,但落在林宥嘉的手裡就變得超有魔力,大概是其聲音的獨特性吧!滿以為新碟的頭炮必定是倒模一樣的芭樂式情歌,誰知道來一首〈晚安〉作主打,由陳小霞作曲的,完全詭怪,敢用來作主打真夠膽量,要紅要爆真的很難,作為發片的前奏,夠晒神秘!

碟內最愛是〈我總是一個人在練習一個人〉,都是陳小霞的曲,好簡單的電結他作伴,原來是 yoga 自編自彈的,歌詞很悲苦而 yoga 的唱得好迷,迷茫迷失迷糊,要習慣分手後的一個人生活真的很難,迷迷糊糊的感覺他完全唱到了。

:: 繼續音樂
[PR]
by karvitz | 2011-05-29 22:47 | :: 日記仔女

:: 長沙遊.二

d0039085_21414353.jpg
內陸地區的溫差真的幾大,太陽落山後的氣溫可以得十幾度,而中午時份放晴的時候,三十度都走唔甩。在長沙四日,天色都是灰灰矇矇的,真的不愧是「長」期都是「沙」的。

同時間,長沙真的很亂。可能是趕工興建地鐵的原因吧,最主要的五一大道部份路段要封閉,導致巴士線左改右改,而司機亦無統一的停站標準,司機喜歡停舊站或新站,全由他們作主,需知道每個巴士站相隔都唔近囉!

d0039085_21455596.jpg

[PR]
by karvitz | 2011-05-28 21:42 | :: 到處留情

:: 懶人專用

d0039085_23545743.jpg
點樣睇懶人?

俗語說的「懶人多屎尿」都仲可以繼續用,因為無野做又唔想做的時候,匿埋廁所就可以唔使聽電話覆電郵及應對老細。而懶人去廁所之前,當然要充足電飲滿水先有得去,咁所以斟水都變成懶人的一樣工作,找杯蓋放杯蓋去 pantry 都慢動作咁,間接話俾人知我斟緊水唔好煩我住!

但時代愈來愈進步,一人一智能手機,懶人最喜歡篤篤篤過日神。上司走埋來就立即收埋,同輩見到就扮晒 check 電郵,但懶人邊想做野做,邊有電郵佢想 / 要收?同樣的動作,當懶人坐返埋位,無人時份就上網睇報紙雜誌,有同事行過就襟返個 outlook 出來扮 refresh ,有條 bar loading 就當自己好恨忙 check 緊 mail,但 sorry,呢招用得實在太多,穿晒煲喇!

仲有最緊要的一招就係到處散播話自己好忙,一見到同事就話自己好多野做,但結果係返來位碌 mouse 及 check 緊垃圾宣傳電郵。

以上的懶人,如果只屬低層就一早炒 Q 左,但中高層較老的屎忽,高層又奈佢唔何,低層更加唔敢出聲!可以點?

唉!佢又去斟水喇!

(標題無意冒犯,懶人專用勿怒)
[PR]
by karvitz | 2011-05-26 23:55 | :: 日記仔女

:: 再賭過。

d0039085_0393954.jpg
新聞紙報導

  內地博彩網站http://www.225225.com日前聲稱花費巨額,靠關係獲得批准,現場拍攝「香港金融管理局」的會議,解構選出六合彩特別號碼的過程。片長8分鐘,影片開始有記者介紹會議室情况,6名所謂「金管局董事」開會,商議預選下一期六合彩特別號碼。

  其後片中記者裝作驚訝配合,興奮說:「那麼秘密的資料豈不是以後要發達喇!那我以後不用當記者喇!」董事答:「是呀,不過在香港買六合彩,只得一個特別號碼,都不是很有用,因為我們的一等獎要有6個平碼加一個特別號碼,全部買中才能中大獎。」他又指內地與香港不同,流行買特別號碼,金管局為了維護六合彩的合法權益,與大陸政府私下協商,並經大陸政府批准,幫大陸彩民發家致富。


一見到呢類新聞我又忍唔住笑,大陸真係咩野都夠膽死,老作係「金管局」主理六合彩的特別號碼!咁其餘六個正字又邊個崖理呢?哈哈!

我喜歡他們老作之餘,仲抵死咁扮埋記者興奮咁講,真係交足戲,但香港人應該一睇就知真假,如果咁都上當,即係間接認同任總之前都真係幾忙,而現任的陳德霖都應該可以好快搵夠退休。

「貪字得個貧」是我國的偉大諺語之一,但偏偏大陸人就最容易上當,是因為教育水平唔夠,定係食得毒製品多而食壞咗個腦?唉…. 由笑料變作感嘆,真可悲。
[PR]
by karvitz | 2011-05-21 00:39 | :: 日記仔女

:: 發.老.脾

d0039085_0442294.jpg
我相信就算幾好脾氣的人,當積累到某一個程度,都會好似醬爆咁要爆個精彩。

最容易理解的,莫過於對住身邊最親最愛的人,脾氣特別的大,心火特別的盛。就好似跟朋友去旅行,你會多多忍讓;但換轉與伴侶去玩,你揀錯一間餐廳或早落一個地鐵站,你都有可能被鬧到狗血淋頭。

係囉!點解呢?是不是因為關係愈親密所以愈容易將自己的公主及王子病癮挑出來呢?定係你認為他們是最能夠包容你,所以老脾就可以大發特發?

我自己都試過,話說一早起身未回齊魂就要擦牙洗臉趕返工,而老媽就在我擦牙時問我今晚返唔返來食飯;換衫的時候又問今晚想食咩餸;著鞋時又再問我帶咗遮未?有時真係問到我煩,之後仲會黑面回應!但之後在巴士坐定定回過神後,先會諗得清楚點解要咁樣對老媽呢?那一刻,真係好對唔住老媽喇!

所以話,做人始終都是心平氣和比較好!呢一點,我仍尚在努力中。
[PR]
by karvitz | 2011-05-18 23:30 | :: 日記仔女

:: 長沙遊.一

d0039085_23344852.jpg

又出發喇!

長沙雖然不及西安及成都等古城出名,但要數歷史事跡,長沙原來都不少,當中的就包括了有名的三國時代。中國歷史絕對是我的弱項,會考咁多科裡面,最怕係考中史,不是怕悶,而是怕死背。所以呢,出發前我真係唔知道長沙原來都咁有歷史地位的。
[PR]
by karvitz | 2011-05-17 23:35 | :: 到處留情

:: 賭.賭.賭

  港產六合彩報被偷運到內地荼毒百姓,賭禍情況已近失控。有內地人沉淪六合彩賭海,不惜傾盡家財,一擲數十萬人民幣落注,賭得妻離子散;更有彩民為此挪用公款或淪為盜賊,以致被捕入獄。惜他們輸得焦頭爛額,至今卻未肯收手,更有揚言「想翻身嘛,就要繼續賭啦!」

  內地人陳先生(四十歲),原為廣東河源人,在家鄉時貴為建材公司老闆,坐擁豐厚身家,更有美滿家庭。不過,十多年前,陳見地下六合彩賭風旺盛,便由數百元以至數千元人民幣起落注,「買生肖、買特碼,樣樣都會買。」

  陳漸淪賭海,深信六合彩有「造馬」、有貼士,隔日便購港產六合彩報研究揣摩,希望從中參透「彩碼」玄機。但他愈賭愈輸,身家也愈見縮水,「輸了就要加追落注,試過一次落數十萬元呀!」結果,不只輸掉公司,妻兒也離他遠去;陳遂以僅餘的積蓄,購車往深圳當「白牌車」司機。

  可惜他至今仍未肯收手,每隔兩天又會以數十至數百元落注,更笑稱「都輸了家公司,想翻身嘛,就要繼續賭啦!」


我唔明白,點解賭六合彩都可以輸身家!你話去賭場上賭檯,輸光銀包的錢借大耳聾再賭,呢點我好明白,因為賭檯開七乘廿四,無時無刻都是引誘你去賭,再加埋身邊有疊碼仔「好言相勸」有賭未為輸,一時心火起輸身家有咩出奇?但係… 六合彩呢家野,星期二開一次之後就到星期四先再開,中間有時間可以將呢股「賭火」冷靜,應該唔會 / 無可能出事!哼!真估唔到咁都出事!

六合彩都可以玩到輸身家,如果開埋波馬,日賭又夜賭,真係國家都可能就咁敗左!

p.s. : 中左幾百蚊六合彩又 post 左出來的朋友,請勿認叻!哈哈
[PR]
by karvitz | 2011-05-16 22:56 | :: 日記仔女

:: 能力愈大.責任愈大

話說早前有同事離職,蟬過別枝,都是同一個職業界別,但聽說就升格了,不用再當以前的小跑腿。

昨晚見他在 fb 留言,說他終於明白以前上司「寧願當個普通的小職員」的實際意思。我二話不說就俾咗個 like 佢!查實上司以前都是小職員低下層,但後來因年資及經驗累積,慢慢就升到上高層,所以其「管治部門」及「處理人事」的手段,真係劣劣劣,但無辦法吧!因為我明白他的出身其實都是個老粗。

今日,舊同事終於都上位,要解決的事已經不是可以揸個螺絲批扭兩扭或拎過條 Cable 換過去咁簡單。

:: 繼續悅讀
[PR]
by karvitz | 2011-05-14 00:46 | :: 日記仔女

:: 推奴!

生活小事。

話說亞視播彩虹獎那晚,有一獎的頒獎嘉賓是由韓星吳智昊及張娜拉。我老媽話「呢個男人夜晚有做《推奴》喎 (高清翡翠台在播)」我話「係咩,唔係做《野蠻師姐》個男主角做咩?」老媽話「邊個呀!」佢諗咗一陣又講「係呀!之前有播過套韓劇都有佢」,我話「係囉係囉!佢叫咩名呢……?」之後兩母子就不停咁諗………諗極都諗唔到。

阿仔諗到好似係姓「張」,老媽立即第一個(其實得佢一個) 搶答「我記得,叫張赫!」之後兩母子對望而哈哈大笑,我真係無諗我老媽會記得張赫個名,兼且仲答得快而準,真不愧為煲劇師奶。

就算不是母親節,我跟老媽都可以好快樂!
[PR]
by karvitz | 2011-05-10 23:35 | :: 日記仔女

:: 2011 音樂結集.十三



近期最火的華語情歌,應該要是張惠妹的〈我最親愛的〉。阿妹暫時放下阿密特的狂野及怒吼,重新披上那柔情的一抺輕紗,細細地跟你訴說對前男友的思念。不得不讚林夕的歌詞,簡單直接但浪漫溫婉,連王菲都讚!且阿妹更致電前男友來儲足情懷來錄歌,誠意十足。從字面看,我認為寫詞的林夕不是為阿妹度身訂造,好大可能的又是夕爺在說自己的故事!



蘇永康轉投娘家華星後的第一推是由黃偉文作詞的〈那誰〉,不用猜的一定是度身訂造,但就好像未夠〈黑色禮服〉般貼身。〈那誰〉的編曲有點亂,曲子屬耐聽形,要即時熱爆「中男」(中產或中年男士都可) 睇來都要花一段時間。

:: 繼續音樂
[PR]
by karvitz | 2011-05-08 23:54 | :: 有歌而發