<   2011年 09月 ( 14 )   > この月の画像一覧
:: 肉酸。
肉系第三集 - 肉酸。

d0039085_22321284.jpg
我又唔明喇!

擺到明香港人唔鍾意呢部錄音機,但政府就偏偏俾佢扶搖直上,真真正正咁漠視民意。錄音機俾人柴台就預左,我反而擔心推梁卓偉上場接爛攤子,攪衰自己個朵喇。(話晒到目前為止,我覺得佢都係實事實做的人)
[PR]
by karvitz | 2011-09-30 22:32 | :: 日記仔女
:: 肉餅。
d0039085_21295376.jpg
哈!昨晚肉丸,今晚就肉餅。

八月號波都要返工,在比較輕鬆的情況下,放工可以回家整個自家肉餅,味道總算比無味肉丸好吧!

:: 繼續悅讀
[PR]
by karvitz | 2011-09-29 21:30 | :: 日記仔女
:: 肉丸。
d0039085_21212264.jpg
去宜家傢居睇書櫃,順道在餐廳點個餐。人山人海的場面,位置不多,一家大細推埋手推車的都有,窄上加窄。

價格雖然平,但味道愈來愈另人失望,白汁長通炒簡直係垃圾,肉丸好似係浸咗十年水咁樣,無晒肉味,伴碟的薯仔更加味淡。

無下次喇!
[PR]
by karvitz | 2011-09-28 21:23 | :: 日記仔女
:: 2011 音樂結集.二十五
微博雜結。


當大家已經聽緊〈牆紙〉時,我才剛對〈花千樹〉感興趣。難得的上乘流行作,可惜卻冒了個抄歌疑雲,且抄得好似。黃偉文交出的未算特別精品,這種愛到最後得到教訓的故事,黃偉文已寫得太多,這首更有點走下坡之感,原歌名〈花森〉的意念更好,可惜齋講歌名時,就太沒亮點太平凡。



將《Wall E〉及《衝天救兵》等有名卡通改為流行曲就已成習慣,但將一個王子尋公主普通童話故事直接了當的放入流行曲,絕少有。黃凱芹的《煩惱絲》的前半部是挺奇怪及趕客的,但在最後一段的逆轉,既把點題亮了,同時亦把童話的美好完美地破滅,我覺得這歌前半是唱給他的兒童聽,後半則是自己的經歷吧。



真心地覺得〈Baby Don't Cry〉的監制莊冬昕幾有心,他盡力把陳偉霆最弱的一環 (把聲) 拆解匯合再融入電子化,把空缺彌補而變得更好玩。如果上張碟的〈Flying Away〉都玩埋電子化,我會更熱捧。如果監制肯把陳偉霆的聲線拆解得更盡更放,我諗佢都仍然有排玩。

:: 繼續音樂
[PR]
by karvitz | 2011-09-25 17:35 | :: 有歌而發
:: 燒豬。
早兩個星期日跟一大班 (別人的) 親戚朋友去南丫島 BBQ,還記得在香港仔上船時是有點陰天,很是擔心會落大雨,因為燒烤場是孤立在一個無得避雨的小石灘上。

我認為真的要感恩,密雲滿佈在四周,剛好我們身處的位置就一舊黑雲都無接近過。當荃灣元朗落狗屎,我們仍然係曬到想死。
d0039085_22493449.jpg


地點是人煙罕至的蘆鬚城泳灘,中午的時份,岸邊及膝的地方的水都很清,Good。

d0039085_2258293.jpg

A 的地點就是蘆鬚城,對上就洪聖爺的大灘,相對來講,地點是比較僻。

最後就曬到傷晒,回復了兩星期都仍然在甩皮及痛。但有個換一換膚,唔係更好咩?
[PR]
by karvitz | 2011-09-22 23:01 | :: 日記仔女
:: 公事公辦。
朋友轉東家剛十天,公司就已經為「人事」而開了兩次大會,而所謂的「人事」,超雞毛蒜皮,話過你知吧!

第一次:全公司得四個人,經理因病請假幾天,一位上班不夠兩個月,職位上比較高級的就暫替經理位。有一天,年資長的清潔阿嬸就跟這位較 Senior 的同事嘈起上來,為的是 ----- 「阿嬸放工無同佢講拜拜」。第二日Senior 竟然向大老闆投訴話「阿嬸放工無同佢講拜拜」(超小學雞行為), 最後大老闆要在放工後開會拆解。

:: 繼續悅讀
[PR]
by karvitz | 2011-09-20 21:44 | :: 日記仔女
:: 煲。
好友下年結婚,隆重其事,西裝將會訂造上場,一早就決定不打普遍的領帶。上個星期巧遇義賣活動,有全新的 Kent&Curwen 出售,既合心水又係做善事,二話不說再買入。
d0039085_19385383.jpg
好看嗎?
[PR]
by karvitz | 2011-09-18 19:39 | :: 日記仔女
:: 火車之旅。
溫洲動車意外之後,我終於的起心肝實行……..

「大陸火車之旅。」

十劃終於有幾撇,從搵火車路線到揀選酒店都尚算順利,但不明朗的因素太多,如火車票只可於十天前預訂,未必能夠如機票般那麼穩健,還可能會遇到有黃牛黨一齊搶票;以為預訂酒店可以放輕鬆點,原來二線城市的便捷酒店是不能招呼外賓,且大多數都只可招待本地人,真奇怪。

目的地暫不開估,但一定打破幾年前到北京,二十四個小時的車程。初步估算,這次車程長達三十小時,真係諗起都覺得興奮 (你罵我痴線都可以)。

如無意外應該十月起程,好緊張呢!
[PR]
by karvitz | 2011-09-16 23:53 | :: 日記仔女
:: So Sweet
九月份倒水咁用錢,真係可能要使晒成份糧先會舒服,其中一大支出就係去食甜品。

:: Haagen-Dazs Mixed Berries
d0039085_22551994.jpg
好冰涼,雪葩好酸但很配,稍嫌冰底唔夠甜。

---------------------------------------------------------------------

:: 香草雪糕配麵包布甸
d0039085_22565264.jpg
好甜,朱古力醬是主兇,但熱辣辣配雪糕冰火感覺就很好。
[PR]
by karvitz | 2011-09-13 22:58 | :: 日記仔女
:: 2011 音樂結集.二十四
d0039085_0184139.jpg

認識他們的歌是在跑馬地馬場舉行的搖滾嘉年華,一首改自〈Last Christmas〉的追債歌開始,很有趣,夠市井,但又不粗口爛舌,不錯。

近期 Tonick 推出第二張專題《Round 2》,延續其草根後生 band 仔的嬉笑怒罵,把日常生活都融入歌曲,是屬於愈聽愈好笑,愈聽愈開心的一類。

〈跳掣〉講一大班朋友去蒲隊啤溝女猜枚,最愛間場的「 吱吱喳 及789 飲到嘔」一段,夠晒抵死亦做足晒夜場氣氛。〈李老闆〉從首富唱至全港無良老闆刻扣薪水來豐富他們的財富,笑中有淚,最愛係後段扮李超人唱坐私家飛機,之後自串自己糧尾係屋企打__機,聽到呢下不自覺地就笑鳥。

〈張飛留俾我〉與地鐵廣告一樣玩食字,張飛及劉備,但實情係「張飛」係指六合彩,之後就引發一連串春秋大夢。副歌一句「係香港地,要有錢係需要運氣」真是值得需要反思一下年青人的心態是否已經有變。而歌曲後段亦融入咗六合彩的經典配樂,跟 PixelToy 〈夏春秋〉概念相似,但歌詞就極為攪笑,雖然非常無無謂謂咁,但我就真係幾喜歡「Lam」茄醬那一段。

:: 繼續音樂
[PR]
by karvitz | 2011-09-12 23:14 | :: 有歌而發