<   2012年 04月 ( 8 )   > この月の画像一覧
:: 2012 音樂結集.七
近期愛聽的歌。


每次出碟都說被左抄右抄,今次無抄歌,但就涉嫌抄左人地個 Cover!

很久沒愛 Mr. 的歌,這首〈昨天〉派台版的太靚太完美了,不喜歡。我反而鍾愛碟內的 The German Story mix。粗糙的透氣聲、唱到後段有點甩及聲音控制得不夠好的種種缺點驟變成感情付出的最大証據,而我最愛就是這種有血有肉的唱法,同時亦是愛上這首歌的最大原因。


同期出碟的還有洪卓立,主打〈想一個人〉是其拿手的輕鬆佻脫之作,但我就比較喜歡同碟的〈勿忘草〉。沉鬱的,沒有聲嘶力竭的,簡單的就是最好。


因為《盛女愛作戰》的其中一集用了〈唱一首好歌〉作插播,讓大家重新認識這首改自 Bee Gees 的歌。關淑怡在 1995 年重唱,聽著錄音的版本的聲音,她的唱法絕對沒有丁點過時,反而合唱的校長就變了很多。(片段在 5:07 開始)


最深情的演繹,王菀之久不久就做布有一首這樣的大路苦情歌。同她軟弱的聲音唱出這種離不開的情感,很到位,很容易便跟著歌曲一起流淚。
[PR]
by karvitz | 2012-04-29 18:01 | :: 有歌而發
:: 悉尼遊
前言。
d0039085_2328849.jpg
上一次到澳洲是二零零五年,是這個地方的誕生年份,我記得第二個 post 就係關於那次的澳洲之旅 (唔使搵,已刪了。) 隔了幾年再訪澳洲,第一件讓我覺得興奮的竟然是過馬路時,行人過路燈發出「蕉」聲,無變過的「蕉」聲,當年的記憶突然就回來了。

今次目的地是悉尼,在某種原因之下迫使我要在悉尼十日!吓!玩十日悉尼?唔係呀化!係!就係要十天悉尼遊,別人眼光只值三幾日貨仔的悉尼,玩足十日,真係可以?

:: 繼續旅程
[PR]
by karvitz | 2012-04-28 23:30 | :: 到處留情
:: 神奇的。
d0039085_2112735.jpg :: 整張唔關事既相先。

記得八、九歲時唔見左個銀包,明明係帶咗出街,點知,當晚就係床底搵返喎,真神奇!

中學時代,每年的畢業典禮都會邀請各級各科成績前三名的同學上台領獎。通常呢個時間,我都係坐台下拍手掌及打瞌睡。中四的上學期,學校失驚無神地把體育科全級第三名塞咗俾我,自己知自己事,但無謂去爭辯,最後我都上台拎左個獎,又係神奇。

:: 繼續悅讀
[PR]
by karvitz | 2012-04-27 23:03 | :: 日記仔女
:: asos
d0039085_2125211.jpg
三月一號在 asos 落 order 買對鞋,資料就話十個工作天內就送到,滿心歡喜的我一直期盼收貨的那天。

一等再等,十幾個工作天都過咗仍未見鞋縱,氣沖沖地到網站的 Customer Care 詢問,結果得出一個應該 Copy & Paste 咗十幾萬次的回覆 - 「叫我等多九日喎!」

又九個工作天後依然無聲無氣,再整多封信去 Customer Care ,佢同樣答我等多九日喎 (痴線!)。我決定唔等,將整個 e-mail reply 去 Customer Care 等佢再覆。

:: 繼續悅讀
[PR]
by karvitz | 2012-04-26 21:09 | :: 日記仔女
:: 2012 音樂結集.六
d0039085_23124781.jpg
周柏豪的唱片,總讓我體驗到什麼是「梅花間竹」的感覺。上一張《本体分裂》的形象是鮮明的,玩黑玩瘋玩癲,但碟內的歌就完全配合不來,只有〈黑〉算得上有玩味,但亦無辜被扯上抄襲之嫌。

上次玩黑,今次玩金。

周柏豪自說《Get Well Soon》是送給患病中的朋友,碟內主打〈只有一事不成全你〉就是點題作,說到病床上鬥志軟弱無力的朋友,叫他絕不能放棄生存,很愛歌詞的一句「逃生那道奇門極近永沒上鎖」,加上周柏豪不完美的演繹配合下(這類歌絕對不能每粒音都執到正,否則效果更差)恰到好處,很讚。

〈起跳〉的動感力很強,正能量好爆燈,又是一首適合助配運動的歌曲。〈金〉的信息很好,講人與人之間的關係,繼續正能量爆燈,可惜在「唱」方面依然周柏豪是其最弱的一環。

:: 繼續音樂
[PR]
by karvitz | 2012-04-15 23:14 | :: 有歌而發
:: 志寧與春蕉
有朋友問「係唔係咩野都要同身邊o個個講?」

舉個例,朋友條仔有個細佬,早排從外國返左香港渡假,兄弟關係超好,狗咬狗骨的情況絕對無出現過。細佬臨走前,阿哥就送左部自己用開的 Video Player 俾佢。咁我個朋友知道左佢條仔無左部 MP4 就想趁佢生日時送返俾佢,問佢鍾意咩款,佢條仔就話唔使送,咁呢件事就不了了知。

早幾日,朋友幫佢條仔執野,搵到佢個袋有部 iPod Touch,朋友好奇怪咁諗「點解佢會有部 iPod 而我唔知架」,之後一連串疑心生暗鬼的事就出來。到底邊個送,幾時買,點解唔搵埋我一齊去買等等……

我叫朋友 relax,我同佢講「你手袋o個枝新買 hand cream 有無話佢知先?你同一班朋友趁佢要返夜班的時候偷偷走出來食飯佢又知唔知?」講下講下朋友又明白呢點,但還原到基本步,到底一對戀人,「係唔係咩野都要同身邊o個個講?」

你地點睇?
[PR]
by karvitz | 2012-04-13 22:13 | :: 日記仔女
:: 復活節?
話說幾年前初入職呢間公司時,我須要搵部門 A 的老細,由於部門 A 跟部門 B、C、D 共用同一樓層,在人生路不熟的情況下,我唯有向其中一個部門的同事請教。

還記得當日,我都未問完個問題,從我後面已經有把女聲殺出「有無攪錯,返左咁耐工都唔知部門 ABCD 係邊?」,我擰轉背就只見到一名低級職員行過,我有點氣頂 (因為我真係初來報到不久),但我沉著氣把我要辦的事辦完,回到部門才好好打探此等氣焰女子是誰。

原來此女同事已臭名遠播,以惡見稱,由於其老細照得佢住,所以她的態度一直都無變過。上一年,她更從小職員級別晉升到半高層,有時食飯見到佢,一副意氣風發的樣子,簡直路人皆憎。

當時我心諗「有一個肯孭、有權有勢的上司的確唔同 。」

:: 繼續悅讀
[PR]
by karvitz | 2012-04-12 21:49 | :: 日記仔女
:: BACK。
好耐無見,終於回歸香港了。

d0039085_21495480.jpg

[PR]
by karvitz | 2012-04-06 21:50 | :: 日記仔女