<   2012年 05月 ( 17 )   > この月の画像一覧
:: 病?
唔知大家有無「唔捨得用新嘢」的性格缺憾?

上年八月買咗個銀包,諗住一改以往黑沉沉的老實款,當時諗住既然要改,倒不如農曆新年才換,新年新氣象喇!講得出,當然係做唔到,農曆新年時竟然唔記得咗要換銀包。咁就錯過咗最好時機,直到今日,我個銀包依舊係黑沉沉但未至於爛溶溶那個。

有人話係星座累事,有人話係慳家,亦有人話係痴線,但點都好,對於一件簇新的物品,要在我手上破袋而出,我確實要點時間去準備。有人買咗新波鞋要即刻著、新手錶要即刻帶、新鋼筆就即刻用,但我就係等舊的波鞋手錶鋼筆用爛之後才會捨得開新的,否則…… 好似對件舊物不太好。

講返個銀包,我終於搵到另一個期 (藉口) 去換 – 就係我生日,當送個銀包俾自己囉,咁樣解釋好似換得心安理得少少……

我究竟係唔係有病?
[PR]
by karvitz | 2012-05-31 23:07 | :: 日記仔女
:: 悉尼遊.VI
d0039085_22511676.jpgd0039085_22512641.jpgd0039085_22513964.jpg
初抵悉尼,同遊的朋友是不太習慣這邊的使費。例如最簡單的罐裝可樂要賣 AUD $2 (即 $16 港幣),所以全個旅程中,飲到汽水的次數 – 朋友 2 次,我就 3 次 (有一餐日本碟頭飯有汽水送) 。由於天然資源及地理環境的影響,澳洲的樽裝水亦是特別貴,反而加了梳打水的果汁 (實際上應該叫糖水) 、牛奶及有濃縮果汁就相對抵買。咁邊度有得買?兩大救星幫到你!(同時亦幫咗我好多)

d0039085_2252098.jpgd0039085_22521436.jpgd0039085_22522476.jpg
住 Share House 時的旅程後期,附近有個大商場,巨型到容得下三個大型超市。在這個五點半就停止商業活動的城市,幸好還有營業到凌晨的超市。每晚八點過後,超市的人流就開始減少,而我就正正在這個時間才出動,因為……… 夜晚真係唔想咁快返酒店呀!

:: 繼續旅程
[PR]
by karvitz | 2012-05-30 22:55 | :: 到處留情
:: 新食感.N
d0039085_23412973.jpg
半個日本人話呢盒限定版的蛋糕連日本都好難搵到,但我竟然在屋企樓下的阿信屋搵到。但一來一回,香港正價賣 $30,日本就賣 200円 (即約 $20),差價都幾遠,但如果在香港買夠 $300 有七折,咁一來一回咁就差唔多價。

味道甜甜的,沒有很重的奶茶味,但就有種其獨有的奶茶香味,感覺很清香,聞比食更吸引呢!
[PR]
by karvitz | 2012-05-29 23:41 | :: 日記仔女
:: 2012 音樂結集.八
d0039085_1356851.jpg
環球近年來都愛攪大 Project,全員大募集同心去做,近年有《人人英雄》,如果以銷情來說,這個 project 是失敗的。今年再接再厲,再次總動員,找來重量級音樂人重編重唱哥哥的作品,再用音樂會來帶動銷情,從坊間聽回來的口碑,讚多過毀,再結合埋銷情,這次《Reimagine Leslie Cheung》終於成功了。

選曲方面,大部份都是哥哥在環球時期的歌曲。由林子祥打頭陣的〈陪你倒數〉很有神秘感,跟原來的編曲及唱法都很不同,感覺就似變了另一首歌,醒神。新加盟的林憶蓮也被安排翻唱哥哥的〈路過蜻蜓〉副歌的拍子甩下甩下咁幾有趣,但相對地,我就比較喜歡原裝版。李克勤唱〈夢到內河〉的第一句,我還以後是哥哥親口開聲唱,估不到他倆的聲音是那麼似的。

:: 繼續音樂
[PR]
by karvitz | 2012-05-27 13:57 | :: 有歌而發
:: 綠油油。
d0039085_21555425.jpg
最愛見到綠油油的一片,草地又好,抺茶產品都好 - 阿信屋做緊抺茶祭,成個貨架都係抺茶副產品,好吸引喲!
[PR]
by karvitz | 2012-05-25 21:55 | :: 日記仔女
:: 人都癲。
部門有位踢兩腳先郁兩郁的同事,平時都已經懶,又無咩主動性,攪到大部份同事都對他說「不」。

我已經不只一次對呢位同事動過氣,全都是他「懶」之所至。上次發火就係叫佢三次先郁一郁,今次就係個電話響爆都唔去接,要我在講緊兩邊電話加手頭仲有野做的情況下大聲開口叫佢接。佢接完之後走埋我個位,一直等我講完手頭上的電話,等咗接近十分鐘,佢先問我「頭先個電話搵老頂,咁點算?」我答「吓!點算?搵老頂,你一係打電話留言俾佢,一係就寫低 Memo 放佢檯面喇!咁都仲要問……?」

你以為佢唔知 / 唔識?返咗兩個月都仲話情有可原,但佢已經做咗兩年,有什麼可能不懂?佢講俾我聽的原因就係想我幫佢搵老頂或者間接幫佢接埋呢個 Call,等佢可以繼續輕輕鬆鬆咁坐係度。

真係唔明點解會有呢類人,但好彩的是,部門同事大多都 helpful,不跟他蛇鼠一窩,否則整個部門好快就會塌。
[PR]
by karvitz | 2012-05-23 21:46 | :: 日記仔女
:: 悉尼遊.V
d0039085_22463321.jpgd0039085_22464540.jpgd0039085_22465258.jpg
在悉尼市中心仍可見不少古舊的建築被活化,Queen Victoria Building 就是其一。外表跟內裡都古式古香,但店舖及維修技巧都見現代化,丁點老土的感都無。而有名的悉尼塔坐落在商業區的中心要脈,跟高樓大度連成一線,很特別。

d0039085_22482691.jpgd0039085_22483710.jpgd0039085_22484769.jpg
同時,悉尼市中心有很多大大小小不同型式的博物館,新派的舊款的都有,目不暇給。雖然悉尼的 Manly Beach 咁出名,但點都不及Bondi Beach 的世界級景點。從市中心坐一個小時巴士就到,非常方便,車廂全都迫滿去海灘的遊客及泳客,每人都掛著「去玩喇」的笑容出發,太有渡假感覺了。

到 Bondi Beach 一定要到 icebreg 的 infinite pool,如果睇相都覺得震撼,現場睇,加埋拍岸的浪聲,真係舒服都唔想走。
[PR]
by karvitz | 2012-05-20 22:49 | :: 到處留情
:: 悉尼遊.IV
假如天氣夠好,在悉尼看日落也是一大享受。

在 Circular Quay 坐一個小時巴士到 La Persous,這裡是十九世紀法國人初登陸悉尼的地方,面對著塔斯曼尼亞海,坐擁海連天的景色。日落時份睇住太陽慢慢落入水平線,而天色亦隨之變暗的感覺很奇妙。

d0039085_1723666.jpgd0039085_1721510.jpgd0039085_1722458.jpg
另一個日落熱點是在 Botanic Garden 最遠處 Mrs. Maqureise,可惜行程那天碰到悉尼的年度巨獻 - 海上歌劇表演而無法直達 Mrs. Maqureise,最後就在附近的草地躺下來等待太陽從歌劇院及悉尼大橋中間沉落。

d0039085_173487.jpgd0039085_1732052.jpgd0039085_1733033.jpg

[PR]
by karvitz | 2012-05-19 17:03 | :: 日記仔女
:: 文具狂。
d0039085_23273335.jpg

讀書時代好喜歡買文具,總之平的貴的靚的好寫的得意的新鮮的可負擔的,都買!

我工作的檯頭就有超過二十枝筆,事有湊巧,近年買入的幾枝鉛芯筆都是橙色的,在芸芸的黑色原子筆堆中顯得格外突出,一望就知道,唔會拎錯。

昨晚在家執屋,在書櫃的暗角處找到了那個已經忘記了幾時買的無印鐵蓋筆盒。裡面原來有兩枝不屬於我的筆,赫然才記起是中五學期考試後,你忘記拿走的。當日我把它們收好,待下次見到面才還。

:: 繼續悅讀
[PR]
by karvitz | 2012-05-16 23:28 | :: 日記仔女
:: 悉尼遊.III
如果是跟旅行團遊悉尼,大部份景點都必家要貼近市中心,目的就是易來易去,但其實悉尼並非如此。悉尼的火車系統很便捷,到悉尼的市郊都是一程兩個小時的火車就到。假如設定悉尼是火車出發的中心點,東南西北的郊區都有好玩的地方。

d0039085_0552538.jpgd0039085_0553312.jpgd0039085_0554685.jpg
有點遺憾的是南面的 Kiama 因 Track Work (火車軌道維修) 而錯過了。今次只能遊到北面的 Newcastle、西面的 Blue Mountain 及中部的 Canterbury。

:: 繼續旅程
[PR]
by karvitz | 2012-05-15 00:58 | :: 到處留情