:: 台灣.墾丁篇.二

d0039085_23205572.jpgd0039085_23204428.jpgd0039085_23202586.jpg
第二朝醒來,雨是減弱了,但依然是烏雲密佈。大夥兒唯有在人煙稀少的墾丁大街浪蕩,直到包車遊的時間到。

本來的行程是一直向南走,到鵝鑾鼻,再到台灣最南點等等。可惜當到第一個景點時,突如其來的傾盤盤盤的大雨,讓我們狼狽得急步走回包車。司機說如果繼續向南走,天氣都會是這樣。商量過後,我們決定把行程改一改,先到墾丁的海洋生物博物館,看「室內」的水世界。

d0039085_2321533.jpgd0039085_23212990.jpgd0039085_23212294.jpg
在海生館「避雨」接近兩個半小時,天色終於變好,可放心繼續行程。由於時間不多,我們回不了最南端,唯有在附近的貓鼻頭、後壁湖、關山一帶遊走。以上的景點都很「旅遊點」,比較有驚喜的就是自己挑去看的後壁湖附近的出水口。

:: 繼續旅程
[PR]
by karvitz | 2012-07-27 23:26 | :: 到處留情

:: 撞到嘢?

在 Office 做做下野,突然間諗起最近一次 (亦只有一次的) 撞鬼經歷。

都已經差唔多八、九年前的事,一班同事去太嶼山宿營 ,渡假屋早已 book 定,但同事老公就嫌渡假屋太遠碼頭而唔肯住,點都唔肯住。之後搵晒近梅窩碼頭的渡假屋都滿客,成班人最後走到比銀線灣酒店更遠的一間小酒店,租了最後一間的二人房。五、六個人就迫埋響呢間二人房,真唔明當年同事個老公點諗樣? (sorry … 係點諗野先岩 ^-^)

當晚我根本無位瞓,跟另一個同事借咗酒店部單車四圍踩,由凌晨點幾踩到三點幾,整個碼頭的小區都好靜,兩丁友不斷踩不斷踩直到踩到去個公園,我霎眼見到有個阿婆坐在木椅,頭向前垂低,頭髮完全咁披著塊面,睇唔到樣。凌晨三點見到咁款既阿婆,仲要係大嶼山(大嶼山應該比市區少露宿者吧),唔多唔少都驚驚地。

:: 繼續悅讀
[PR]
by karvitz | 2012-07-26 22:37 | :: 日記仔女

:: 2012 音樂結集.十一

來聽新歌吧。

〈重口味〉的原裝版已聽厭了?送你一個 Special Club Remix。「這陷阱」終於正式出場,跟校長以前的〈愛情陷阱〉的 mix 都係一樣神出鬼沒,超好玩,夠晒癲。



:: 繼續音樂
[PR]
by karvitz | 2012-07-22 16:59 | :: 有歌而發

:: 台灣.墾丁篇.一

出發喇!

我坦然承認少覷了這一趟台灣之旅,在收拾背包的時候實在太粗心太意了,當我知道雨傘及耳筒都被遺忘了的時候,我已經是身處機場巴士上面,一想到無歌可聽或是無傘可用,心情就自然沉重起來。

這副心情,一直延續到大家在機場集合。
d0039085_2191527.jpg
出發前為了不想冒 delay 之險,我們寧可揀貴一點的華航也不揀出名有遲無早的香港航空。可惜,因有兩位乘客在 check in 後失蹤 (無上機) ,整機人要等工作人員把他們的行李卸下才可起飛,一來一回再加埋重新排隊起飛,我們遲了接近 40 分鐘才起飛。

d0039085_2123516.jpgd0039085_21233727.jpgd0039085_21232871.jpg
到埗後,聯絡好包車到墾丁的司機便立即出發,在中途不停站的情況下,到達墾丁的時間已接近四點半,比預計的遲了接近個半鐘。

在墾丁,民宿比酒店要多,價格亦較相宜,而民宿的裝修亦比酒店隨心及舒服,所以大多數自由行的旅客都會揀民宿落腳,我們挑了一家在橫巷裡面的,店子不大,路線走 Kidult 的路線。

:: 繼續旅程
[PR]
by karvitz | 2012-07-20 20:48 | :: 到處留情

:: 笨事一單。

d0039085_0232180.jpg
朋友約咗我六點十五分在碧街等,我準時到,佢又準時到。佢打電話問我去咗邊,我答「我o係 Seven 隔離囉!」朋友答「好喇!我行過來搵你喇」

五分鐘後,朋友來電「喂!又話係 Seven?到咗都唔見你?」答「唔係呀!我係 Seven 呀..... 你係唔係去錯咗第二間 Seven?你附近仲有咩野鋪頭呀」

朋友答「呢邊仲有間 OK 同埋小食店囉!」我答「咦!我呢邊都有間 OK 同埋小食店喎!」

之後大家都一頭霧水咗好耐,以為附近有另一間 Seven,亦懷疑究竟係唔係有個人「回到三國」緊.......

:: 繼續悅讀
[PR]
by karvitz | 2012-07-19 23:24 | :: 日記仔女

:: 生日飯 2012 。

d0039085_22272915.jpg
今年的第一餐生日飯揀了一間不在旺區,店面很小的西餐廳,只有大約二十個座位,一行八人的我們就已經佔了大部分店面,就如包了半個場。服務員還會特意介紹每款 Set Dinner - 有穀飼豬、三文魚扒、慢煮春雞等。

我點了一客牛扒,落單要求七成熟,上台的卻是五成熟,幸好我不太抗拒那種血淋淋的牛扒。其他朋友點了燒雞、三文魚扒及大蝦意粉,後者煮得超香,隔幾個位都聞到燒蝦的香味,朋友亦大讚材料超級新鮮。

但就算食物的味道有幾好,我堅決不會幫襯下一次。

:: 繼續悅讀
[PR]
by karvitz | 2012-07-18 22:28 | :: 日記仔女

:: 台灣.前篇

d0039085_0305957.jpg

這是一次相識二十年的 reunion 旅行,由籌備到成行,足足籌備咗一年。人多意見都多,最初鎖定曼谷為目的地 (因為曼谷是我們第一次外遊的地方),而且把行程初步計劃好之時,霎時間有朋友說未必能成行 (最後她都未能成行,因為她已成為大肚婆,恭喜!) 。

之後有朋友提出不如改地點 ,原因係唔齊腳加上有朋友不太喜歡再到曼谷 (這又有另一個超勞氣的故事 ),所以 reunion 之旅改到台灣南邊,高雄墾丁及台南。

我從來都奉行「人多去旅行就跟團」這個概念,這樣可避免討論行程時帶來的不必要爭辯,慶幸今次都無出現。但實際上,每天的出發時間都比原定的遲及有不少「順得哥情失嫂意」的情況出現,假如換轉旅行團,領隊話一就一、二就二,以上情況應該可以避免。

買機票、包車、住宿及旅行日誌一切由我主導,連普通話大使都由是我。萬幸苦練經年的半鹹淡國語都夠用,還得到台南小店老板娘的一句:「我完全不明白你的朋友在說什麼,我只聽得明白你說的。」我悄然暗喜,真係辛苦少少都值得的。

終於等到出發,在晴朗的一天出發。

:: 繼續旅程
[PR]
by karvitz | 2012-07-14 23:09 | :: 到處留情

:: 惡夢來襲。

d0039085_2222753.jpg

有晚早瞓,五點幾就彈咗起身,見距離七點都仲有一個多鐘頭,便埋頭就繼續瞓,惡夢來襲了。

不是被怪獸追,亦不是從懸崖跌落來呢類惡夢,我得到一個令我覺得恐怖的強拆夢。

話說朋友有一班比較苛刻 / 毒舌的同事,見過三、四次面,印象一般,而呢個惡夢就由她們主導。夢境大概是由我放工返屋企開始,一打開大門就見到一大班人在屋裡面,廁所連廚房都被拆走,只剩下水泥牆。我問朋友佢地究竟攪咩,佢答:佢地想搬過來一齊住喎!

:: 繼續悅讀
[PR]
by karvitz | 2012-07-13 22:02 | :: 日記仔女

:: 2012 音樂結集.十

從台灣回來,第一件事就是重看大婆台的《2012 翡翠歌星紅白鬥》,已經將期望減到最低,但依然失望,香港樂壇真係無得救?

《2012翡翠歌星紅白鬥》第一段亮點:
* 曾志偉與 Do 姐鬥咀;
* 王菀之:「紅組夠滋補!」 - 好笑;


* 新一代跳舞女歌手可唔可以唔好「成日」推鍾舒漫行頭,鄭融要跳,比她好幾倍 (可惜鄭融在合跳〈大日子〉時甩左好多,Hotcha 亦有甩);
* 裕美跳舞,我諗起〈搭錯車〉囉!

《2012翡翠歌星紅白鬥》第二段亮點:
* Lollipop F 跳唱自己歌,跳得好是應該的;
* 張智霖X梁漢文?感覺超怪及唔夾!
* 許志安X容祖兒 - 拉闊音樂會複製版?許志安唱得超無心機;
* 林峯那一段,真的睇唔出有什麼特別?
* 胡琳唱懷舊電視劇主題曲?資源錯配?


* 阿 sa 真係幫唔落,走音走音加走音,仲話自己一星期學五日唱歌!(但握到手個肥仔好搶鏡囉!)

:: 繼續音樂
[PR]
by karvitz | 2012-07-09 17:12 | :: 有歌而發

:: 又一週生活。

d0039085_23452093.jpgd0039085_2345288.jpgd0039085_23453487.jpg
左:老頂又從日本回來,今次帶了盒朱古力椰子曲奇回來,味道不錯,但口感卻怪怪的。
中:老頂返來後捉咗幾位同事去食晚飯,我點了大大杯的 Banana Smoothie,好正。
右:呢條彩虹唔使多講,在上星期二的鋪天蓋地 FB 洗版時應該都見過,我都有見到。

d0039085_23454051.jpgd0039085_23454788.jpgd0039085_23455221.jpg
左:這一杯提子味 Float,上層的雪糕被「不小心」地多轉咗一圈,開心。
中:這個菠菜蛋焗飯做法好簡單,但真的超好食,每次都要點!
(出自這間:http://www.saizeriya.co.jp/

右:這片雲是出自七月一日,天氣大好,最適宜上街。
[PR]
by karvitz | 2012-07-02 22:58 | :: 日記仔女