<   2012年 10月 ( 7 )   > この月の画像一覧

:: 真係有無攪錯。

好模糊印象記得〈巴不得媽媽〉有一幕講泥水妹俾汪明荃屈佢在公司偷嘢,仲攪到要報警,劇情都幾老土,但呢種老土事,原來昨天才在公司發生過,而且還牽涉到強國人。

話說某部門逐步地做裝修,地盤佬當然會出出入入,咁有位來自國內的女同事話唔見咗張職員証,大吵大嚷咁話其中一位裝修佬偷咗。我唔明佢點解有呢種想法,同時呢位裝修師傅一直都有幫公司做工程,手腳乾淨,毫無不良紀錄。其實大家都唔信呢位國內女同事的說話,因為她一向都是麻煩人,之但係有人提出話被偷嘢,各方面的部門都要插手幫忙去調停,又話唔俾人走,又話要搵個夾萬鎖好貴重嘢喎………

:: 繼續悅讀
[PR]
by karvitz | 2012-10-31 22:36 | :: 日記仔女

:: 假仁假義假優惠。

d0039085_1129035.png
話說國泰及港龍又做新一輪的機票優惠,我呢類八卦友當然走去望下,多得網絡的流通,我唔使 reload 又 reload 其網站,都知道優惠的詳情。

看標價,三亞 $290 好似開呢個價但無興趣,東京 $990 超值,新加坡$590 跟廉航差唔多,墨爾本 $1690 真係勁荀,巴黎及羅馬 $2990 價錢都唔錯。照咁睇,真係大劈價咈喎!但原來魔鬼又在細節裡面。

原來三亞及新加坡只能停留三日,東京及墨爾本就只能停四日,仲要係 fix 死時間的,尤其係後者。去墨爾本只可以揀夜機去早機返,去及返都用咗兩日,留在當地的時間只有兩日,去曼谷都嫌少喇。

:: 繼續悅讀
[PR]
by karvitz | 2012-10-30 11:30 | :: 日記仔女

:: 你記唔記得?

我希望你們不是玩 Barbie 大的。這個低能賽車遊戲,無人提及的話,我唔會突然諗返囉!雖然我話低能,但當年我好喜歡玩,而且老爸不只買了一部給我,記憶中好似買過兩部.......

你又有無玩過?

d0039085_101441.jpg

[PR]
by karvitz | 2012-10-28 01:00 | :: 日記仔女

:: 地鐵遊。

在博友的紐約之旅中,我發現了一個很好的旅遊點。

我未去過紐約,亦未去過倫敦,但我都知道這兩個城市的地鐵系統是歷史悠久的。很少在電影電視看到真實的紐約地鐵,大部份劇情通常都會用走出 / 入地鐵出口來帶過搭地鐵此一幕,我曾經有懷疑過「真係咁差?」還是因為地鐵環境複雜而不好用來拍電影?

早幾天,謎底終於被解開。

d0039085_0114387.jpgd0039085_0113190.jpg
左:Wall St. 站的男廁門口,很懷舊的氣息,但真係好舊,個門柄 / 把手,我未必夠膽掂。
右:Brooklyn Bridge 站,牆身應該是因浸水而發黃,但未算最惡劣。

:: 繼續悅讀
[PR]
by karvitz | 2012-10-27 00:45 | :: 日記仔女

:: 溝通。

d0039085_0274472.jpg

前幾日去打邊爐,食到捧住個肚的時候,隔離枱坐低咗兩位後生仔,其中一位放低個袋就行開咗,剩低另一位負責點菜。

雖說是打邊爐的食店,但同時亦有碟頭飯或小菜供應,咁剩低那位就二話不說地話打邊爐。行開咗那位返來劈頭第一句就講「我想食飯喎!」(此時待應姐姐已經捧緊個韓國燒烤式的火鍋爐進場!)

剩低男就話「無所謂喇!打邊爐任食仲抵!」之後侍應姐姐再奉上兩罐汽水 (呢兩罐汽水是剩低男被侍應姐姐 sell 做會員的贈飲),但行開男見到罐可樂又一句「我想要膠樽裝喎!」侍應姐姐唔知頭唔知路就拎返走,轉個頭又係拎返罐可樂來,呢一刻剩低男才打個圓場「送既送既!」咁行開男先話「送既,咁無所謂喇!」

:: 繼續悅讀
[PR]
by karvitz | 2012-10-25 23:23 | :: 日記仔女

:: 老頂個老頂

講完老頂,今次講我老頂個老頂。

我除了直屬老頂外,更加直屬我老頂個老頂,咁我稱呼佢為大老頂。

大老頂睇幾個部門,一腳踢晒十九幾萬樣工作,咁做唔晒就自然要分落來俾班細既幫手,但如果件事非常重要及牽涉到更高層,大老頂通常都自食其力,自己揹返。

有個部門阿頭搵大老頂幫手,實際上只係一單雞毛蒜皮事,但佢唔想得失別個部門的阿頭,咁佢自己哽埋來做,但背後既資料搜集就跣咗落我到,咁幫幫手當然無問題,受人錢財,替人消災的道理我係完全明白的。

:: 繼續悅讀
[PR]
by karvitz | 2012-10-18 21:58 | :: 人生小體驗

:: 歸來吧。

出國又回來了。
d0039085_194021.png

[PR]
by karvitz | 2012-10-12 19:04 | :: 日記仔女