:: 一些生活。

d0039085_1191836.jpgd0039085_11289.jpg
* 聖誕節後途徑尖沙咀,依舊人山人海,有班小朋友在玩 free hug,但年紀是否太少吧!假如有姐姐要抱抱又好似唔太好意思咁,同齡的又唔敢去抱,見佢地企咗都好一陣子都未見發市,不如自己一班朋友先抱抱暖暖場先喇!

* 跟一大班朋友吃了餐遲來的聖誕餐,脆卜卜的豬手超好食,唔好同我講到底有幾月巴,咁正都係食咗先算,2013 先再減吧!

d0039085_120236.jpgd0039085_119354.jpg
* 相的重點是後面的垃圾崗,4 折的吸引力足以摧毀整間鋪,我替店裡的 sales 慘,收工有排執喇!

* 這應該是 2012 年 12 月的一件大喜事,相識廿年的朋友在 12 年 12 月 12 日誕了個小寶寶,他媽媽跟我們說是她跟小朋友一早傾掂數要在這個特別的日子出世的,果然聽話,在媽媽肚就咁聽話,大個應該都唔會衰得去邊。祝小朋友快高長大,生多兩錢肉就更好喇!
[PR]
by karvitz | 2012-12-28 23:11 | :: 日記仔女

:: 宅男。

什麼是宅?

在屋企匿埋間房上網、睇漫畫、唔出街都未算最宅,我認為最宅的要識得分 SKE48、SDN48、NMB48、HKT48、JKT48 的成員及會買有她們大頭相的商品。

我以為我唔會踩到呢條界,點知......

:: 繼續悅讀
[PR]
by karvitz | 2012-12-26 02:57 | :: 日記仔女

:: 末日前。

末日前,生活如常過。

d0039085_165616.jpgd0039085_173863.jpg

# 跟朋友 (算) 吃了餐冬至飯,這個 UFO 泰式蝦醬炒飯,連隔離檯阿姐的眼球都被吸住,賣相真的一流。除了這個炒飯外,還有一杯超自然的半浮不沉的話梅冰,好玩。

# Meltykiss 初推時真的超驚喜,入口即溶的感覺很奇妙。未知是近幾年愈做愈差?還是愈食愈咀刁呢?感覺都追不回來了,試過有一盒 Meltykiss 我可以用難食來形容。

這盒 Rum & Raisin 是日本的季節限定,昨天還是原價,今天就做特價,非買不可吧........ OMG .... 一試難忘,酒味濃但又搶唔到朱古力味,而且更是入口即溶!超好食呀! :)

:: 繼續悅讀
[PR]
by karvitz | 2012-12-21 23:05 | :: 日記仔女

:: 救命。

呢度講呢度散。

隔離部門有位高分低能的高層,學歷高但思想卻蠢鈍如豬 (身型也一樣),去到邊個部門都被人投訴到仆街,連佢老頂都日鬧夜鬧,真係唔知點解可以捱到今時今日。

今次,輪到我老頂同佢合作。

一份文件由初稿到 final 改咗超過八次,一早向呢位高分低能高層提及過的要點他一概不理,最後改完再改的就是我提及過的「要點」。半日就可以攪掂的文件,最後輾轉攪咗五日,OMG!連我咁好脾氣的人都最尾都頂佢唔順要窒佢幾句,真係唔該反省下喇!

:: 繼續悅讀
[PR]
by karvitz | 2012-12-19 23:49 | :: 日記仔女

:: 十面埋伏過。

d0039085_23265618.jpg
鋪頭九點半閂門,我已經盡力揸緊時間,可惜等巴士的時間太久,司機又太守法而慢慢慢駛,到鋪頭的時候就剛剛好九點半,眼望望睇住執嘢收工,時間真對。

:: 繼續悅讀
[PR]
by karvitz | 2012-12-17 23:26 | :: 日記仔女

:: 世界末日。

假如你相信世界末日。

早排跟朋友在 Whatsapp 講起,世界末日到底有幾可怕,朋友一句「唔驚,到時大家都一鑊熟!」

我幾喜歡呢個答案。

心願未了的、貧窮線以下的、我無講過無僭建的都一齊洗牌來過,幾公平呀。正當我們討論得興高采列之際,有個朋友就答「你地真係咁想一鑊熟?」佢好認真咁講。

:: 繼續悅讀
[PR]
by karvitz | 2012-12-15 22:22 | :: 日記仔女

:: 敗了給你的黑色幽默。

另一個故事。

先睇一段新聞。(希望你有時間睇得晒!)

虧損連連的「德國金融時報」(Financial Times Deutschland)今天最後一天出報,頭版印成漆黑一片及只出現 2 個字,意為「終於變黑了」,暗諷這份報紙12年來從未獲利。

即連頭版頁眉的「金融」(financial)一字也被刪除了若干字母,而成為「德國最後時報」(Final Times Deutschland)。 這種黑色幽默並延續到最末版,版面上是報社全體員工的鞠躬照片,作出懺悔之狀。

報社負責人透過照片下方的諷刺性說明,為「燒掉了你們這麼多錢」向股東「道歉」;為「我們在報導你們公司時如此帶有批評態度」向廣告客戶道歉;為「沒有接受你們對文章措詞的建議」向公司發言人道歉;也為「不夠相信你們」而向政治人物道歉。

但報社員工又堅稱:「如果我們從頭來過,我們還 是會這麼做。」 至於廣告客戶也共襄盛舉,公有的地區性「黑森─圖林根邦銀行」(Helaba)買下了全版廣告,宣稱「不幸從明天開始,我們的經濟會比較不那麼多采多姿」


:: 繼續悅讀
[PR]
by karvitz | 2012-12-12 23:17 | :: 日記仔女

:: 莫言故事。

分享故事.I

看完《Life of Pi》後,發覺所有故事都不應該只看表面,底蘊收起的那個,可能更加恐怖或者寓意更加深長。
d0039085_2237133.jpg

莫言得到諾貝爾文學獎,陽光燦爛,但我卻看到 (被?) 剷晒青的諾貝爾和平獎得主的妻子,哭成淚人地訴說待遇不公平,陰雲密佈。而莫言在演講及在答問會也一直迴避有關政治的問題,小許踩界的都一概「灑手擰頭」及全程擺出一副高高在上的樣子,著實很討厭,也很失望。

他說自己是個講故佬,小時候最愛聽完故事後便返屋企加鹽加醋地說給媽媽知。他在瑞典演講《講故事的人》時說了小故事,最後一個如下...

:: 繼續悅讀
[PR]
by karvitz | 2012-12-10 22:41 | :: 日記仔女

:: 生活。

生活小事.二

d0039085_23105866.jpgd0039085_23103837.jpgd0039085_23102678.jpg

.電話正面塊保護貼,年幾前已被鎖匙刮穿,有個小疤痕,由於在不顯眼位置,所以一直都無換,直到上個禮拜...鎖匙又狠狠地在中間劃了一把,非常礙眼,非換不可了。

懶得自己貼,花錢在車仔檔搵幫手,眼明手快咁就換好一塊「高清貼」- 好靚。但個師傅轉身就扔咗那張舊保護貼,我想問佢「做咩唔俾返我....」但我問唔出口,怕俾人話垃圾都仲要!無辦法!典型巨蟹就係咁,相處久了就有感情,就算是有用無用或唔用,都一樣有感情。(真麻煩)

:: 繼續悅讀
[PR]
by karvitz | 2012-12-08 23:12 | :: 日記仔女

:: O Cake

幾年前初來這個部門,最年青的是我,被同事們多多照顧都是理所當然。

近幾年部門大肆擴展,新入職同事一位比一位年輕,更不乏青春少艾。有一次,一位樣貌只得十六、七歲,但喜歡睇《大時代》、用腐乳撈飯及性格似婆仔的八十後期 (廿幾歲) 的女同事同我講「我每次行過樓下大閘,個食Q 就不停 sip sip sip 喇,有時仲問我食飯未?我超級唔想理佢...佢好煩,咁可以點...」

啊!原來俾仔撩....

霎時間,我個角色變咗老豆教緊阿女點做人咁!=_=”

雖然我咁講,但我都喜歡跟一班後生仔女去傾去玩咁,就算俾人叫到「老手」或「叔叔」都無計,最緊要係大家開心。(其實....我真係唔係老手喇!嗚...)
[PR]
by karvitz | 2012-12-05 23:20 | :: 人生小體驗