<   2013年 03月 ( 9 )   > この月の画像一覧
:: 百物騰貴。
幾年前睇過篇報導,講及惠康所賣的定價偏高,其公司發言人大概講過以下一段話去解釋:
「公司本身都有做好多優惠,例如日日賞,簽信用卡回贈及儲印花等等,拉勻定價其實唔算高。」

唔!原來羊毛真係出自羊身上喎。

今日買早餐,發現聖安娜又加價。

輕飄飄的朱古力菠蘿包由六個半逐步逐步加到今日的七蚊,想杯葛但早餐無可能唔食,再加上附近再無麵包店的選擇,所以焗買。付錢時,如常地 show 張信用卡拎個折頭慳返少少,點埋單個數竟然同以前係一樣喎!點解呢?難道我眼花?

後來姐姐同我講話「恒生信用卡有 85 折」,之前用開就得 9 折!哦!原來加價是為了補貼呢類所謂信用卡的著數。

信用卡優惠愈來愈多,折扣愈來愈大,但實情只不過是抬高咗個價再折返俾你,呢種算唔算做生意的偽術?

突然間,我覺得唔識用信用卡,要用真金白銀買嘢的公公婆婆好慘,間接地成了被蠶食的一群,慘。
[PR]
by karvitz | 2013-03-27 23:45 | :: 日記仔女
:: 四十小時火車之旅.北京篇
早幾日發覺,我有好多遊記都未埋尾,襯呢幾日有時間,結埋先。(呵呵)
d0039085_18131878.jpg
繼續這一篇火車之旅。(http://karvitz.exblog.jp/15089513/)
d0039085_18135264.jpg
天津算是一個充滿驚喜的地方,但衰在太近北京,天子腳下旁的小城市常被忽略,假如有機會再訪北京或天津,我一定是揀天津先。在這趟火車之旅,找了一天跑到北京跟舊同事聚舊再聯袂遊天津。
d0039085_18141324.jpg
本來想去看紅葉,但後來在微博上看到葉子根本未紅,而且人頭湧湧,怕了有上無落就決定改行程去看銀杏及感受一下北京人的生活。在碩大的公園走了接近半個小時,跑步做運動的人絡繹不絕,更有人跳入那條去水坑暢泳,我看得目瞪口呆,咁都得?

:: 繼續悅讀
[PR]
by karvitz | 2013-03-23 18:17 | :: 到處留情
:: 又一飲宴現場。
d0039085_23484993.jpg
又一位同學結婚,今次飲宴現場有點特別。

新郎的人緣不算差,中學時期儲埋一班朋友到呢一刻都仲有玩,所以呢次婚宴就有成三、四圍預留俾同學。好特別,近年很多朋友仔都陸續結婚生仔,小朋友、手推車此起彼落,大家抱住個 b 在交換湊仔心得,一支公出席的就難免有些尷尬,這種身份的轉變真的要開始適應了。

還有一點,這次婚宴沒有翅,只有翅湯個味加小小所謂的魚肚及燕窩,多謝晒支持環保。

簡單的設計,沒有多餘的說話,更沒有宗教的附加,一切皆自然,這絕對是我近年來到過最愉快的一晚婚宴。祝 T 先生及 A 小姐百年好合永結同心!
[PR]
by karvitz | 2013-03-21 00:09 | :: 日記仔女
:: 頂級牛肉麵。
d0039085_23221367.jpg
假如公仔點心推出一款賣八十蚊的黑松露叮叮燒賣,你會試嗎?

成件事基本是錯的,低檔品牌出高檔食材,客源根本就不同,除非有心去呃呃騙騙,否則這條路應該行唔通。但在大陸,什麼都會發生,什麼都變得有可能。

在康師傳的速食牛肉麵店,正推廣這款頂級牛肉麵,說一頭牛只能煮出五碗,索價人民幣 168,真係夠癲,廣告上的那句「傳世新飲酸梅湯」更令我想《食神》裡面的情節。

我只能講一句,大陸的世界,我們仍有很多地方是不明白的。
[PR]
by karvitz | 2013-03-17 22:00 | :: 日記仔女
:: 小家小家小小家。
有些不是朋友的人,例如同事,或者是朋友的朋友 (唔熟的) ,沒有了專屬的包容,很容易便會變得乞我憎。例如男人老狗玩小家又或者女士突擊潑婦罵街,我都會暗地裡扣分,扣到咁上下,自自然然便由得他們像草帽般隨風飄走,執到唔會執。

前幾晚公司聚餐,又看到一、兩個這樣吼著檯面餘下獎品的人,死望爛望想據為己有,用盡不同的言語去讓同檯的同事贊成一齊分咗去,看到他們似笑非笑但又有點奸險的面孔,我算喇!豪俾你,竟然你咁想要。

獎品是什麼?都是別的公司贊助的 memo pad、水杯及爛鏡咁,一點也不值錢,但唔明點解佢地想要。同埋,大男人好心就唔好貪埋呢種限便宜喇,真的好__難睇,以後都係少接觸為妙.....

我還有另一個更小家的男人貪禮物的故事,想聽嗎?
[PR]
by karvitz | 2013-03-15 23:59 | :: 日記仔女
:: 夜深了。
夜深了,突然想起了這首歌,沒什麼特別,假如你記得這首歌,點開來聽一次,你可能也會懷念她的聲音罷。



還有一點,我很喜歡「最後一個才知道」這類題材的歌曲。除了這一首外,還有劉嘉玲的〈別讓我最後才知道〉。
[PR]
by karvitz | 2013-03-11 23:59 | :: 有歌而發
:: 嗅。
d0039085_20374356.jpg
由小到大都覺得自己嗅覺一般,鼻敏感發作時期更是無嗅覺可言,聞到與聞唔到之間已分別不大,習慣晒,除了臭或香之外,有些味道我根本聞唔到,但這幾年的情況開始有點不同。

幾年前某一日 lunch time,同事叮完飯,佢拎住個飯盒返埋位食,而我個位就正正對住佢,那一襲住家飯盒的難聞油澺味突然湧入鼻腔,我霎時覺得面頰很癢,繼而有點呼吸困難,我立即離開受襲地區,走去 pantry 抖了口氣。自此之前,他每日開餐時,我都要暫時避席。

:: 繼續悅讀
[PR]
by karvitz | 2013-03-09 20:38 | :: 日記仔女
:: 或者。


或者 愛是朦朧的
或者 愛是漂浮的
或者 愛是 out fo 的
或者 愛是爆光的
或者 愛是忽明漸暗的

或者 愛是纜車
有時高有時低
有時震動有時平穩
二人最終可以安然埋站,便修成正果囉。

很簡單,但窩心爆燈的 MV
[PR]
by karvitz | 2013-03-06 22:43 | :: 日記仔女
:: 換。
d0039085_23432845.jpg

有時候,換個角度看,又是另一個新的世界。
[PR]
by karvitz | 2013-03-01 23:44 | :: 日記仔女