<   2013年 06月 ( 6 )   > この月の画像一覧
:: 兩件無關係的事。
d0039085_0442145.jpgd0039085_0441380.jpg
左:咁樣寫,即係有試過出現舞劍的奇境?驚~~
右:真係好唔明,尖沙咀貴為香港重點旅遊區,各五星級酒店都雲集尖東,但大部份尖東的商場都是殘殘舊舊,仍然擺放著八十年代的裝飾,究竟是風水問題,還是呢個先係尖東特色?
[PR]
by karvitz | 2013-06-24 00:43 | :: 日記仔女
:: 去旅行。
有位已經轉部門,愈做愈高層的舊同事打電話來,一開聲就問「知唔知申請特區護照要幾耐?」我答「點都要一、兩個禮拜喇!」細問原來是 BNO 不見了,取而代之不如申請特區護照。但點解又要咁急呢?因為老細突然批咗十日大假俾佢 (其實佢申請咗放假好耐,但之前太忙就一直被拖) ,佢見有假期就想立即離開香港,但無時間準備自由行,唯有剷上旅行社見團就報,揀好了落晒訂之後返到屋企就出現我之前所講的情景喇!

咁都好彩,佢三個星期後先飛歐洲,呢一刻,本特區護照已經在佢手,唔使煩。但我想講就係,俾你上到中高層,事業創到高峯後,有某些情懷或心情是必定會失去的。就例如用充分的時間去準備一次長途旅行又或是陪自己的小朋友走成長路咁....

所以,無志氣都係咁講,我寧可做個有自主空間的小職員,都不想當個無晒私人時間的高層人士,有錢有地位咁又點,但無咗自己,呢點先係最慘。
[PR]
by karvitz | 2013-06-23 23:14 | :: 日記仔女
:: 太陽蛋。
d0039085_174646.jpg
非也,是芒果雪糕配椰汁黑糯米也。

唔知點解,椰汁底食唔到椰汁味,但就好重奶味,難道鮮奶同椰汁掉亂咗?如果剩食底下一層,真係淡而無味,但亮點是那球芒果雪糕,溝埋一齊食,奶味爆晒燈,正!(但肥死囉!XDD)
[PR]
by karvitz | 2013-06-14 01:08 | :: 日記仔女
:: 景刷。
近年跟警察的接觸比前多了不少,第一次落口供,第一次上庭,第一次到差館拎証物,都是拜現在份工所賜 - 我近期又遇到一位極品。

前題的交涉甭說了,總括來說是警察到公司取證,但資料不足而需要我們提供協助。果真是警察,每句都是命令式的,咁我都無所謂,警民合作喇!之後警察拎部手機出來,影吓鄙人公司環境作證據,佢拍吓又停吓,拍吓又停吓咁,我走上去問佢咩事?佢話部手機傻傻地,影完之後唔知個 video 放咗去邊?但奇怪在影相又得喎!

佢自言自語咁話可能 memory 唔夠, delete 下其他檔案先……

見佢攪咗四五分鐘都未得,我又走埋去幫幫佢,我望一望佢手機段片,見到兩個裸女正在 fing 來 fing 去囉!唉~~~ (點解會咁架!) 我見到咁,梗係唔出聲就行返開喇!

:: 繼續悅讀
[PR]
by karvitz | 2013-06-12 23:24 | :: 日記仔女
:: 手機媽媽。
d0039085_120328.jpg
老媽的手提電話月費到期,而佢又開到口開想轉用智能電話,咁做仔的當然要盡力幫下手。先撇除最新最貴的那些,因為老媽根本用唔晒;再撇除大陸製手機,唔想用半年就壞,到頭來又係煩到自己。最後老媽揀咗部出咗已經年半的貨尾大 mon 手機,但後來我發現另一部三叔牌,功能比 S4 及 S3 都要差好遠,但最最最大的賣點是價錢平一大截,而且最重要的是....... 有 5 吋 mon,岩晒。

:: 繼續悅讀
[PR]
by karvitz | 2013-06-09 23:08 | :: 日記仔女
:: 靜。
早兩日洗頭,水不小心咁入咗右耳,我試過單腳跳、用棉花竹枝及將紙巾捲起去清理耳內的水,但無一成功。當時的聽覺就如有襲膜包住隻右耳咁,萬幸左耳聽力正常及右耳未有痛楚,便決定大覺瞓,翌日才假如仍未散就去求診。

好景不常。我先看門診,那位所謂的醫生,我連發生的過程都未講完便拎耳窺器左照右照,他說我右耳有點發炎,便開了枝滴耳仔的藥水給我,連帶勸導我在沖涼時可用耳塞堵住避免耳仔入水,迅雷不及掩耳的時間便診症完畢。我一直都疑惑用呢枝藥水就可以令我隻耳回復聽力?而入咗耳的水又會自動流返出來?初時都未感斷定他是庸醫,但後來…….

拎到枝藥水便立即滴兩滴,聽力完全無好轉,水仍停留在耳裡面。後來查過藥水的功效原來只有消炎成份,對清除耳垢及進水毫無幫助,但醫生開得出,即管繼續用。

:: 繼續悅讀
[PR]
by karvitz | 2013-06-02 23:40 | :: 日記仔女