<   2013年 09月 ( 3 )   > この月の画像一覧
:: 西雅圖.第一篇。
在溫哥華之旅中,榨盡時間才有機會南下西雅圖走一轉。說真的,我對西雅圖一天遊的期盼比溫哥華要大,可能就是美國的關係吧!

由細到大都無諗過會去美國,五年前以為是唯一,今次無意中得悉溫哥華與西雅圖只有兩小時車程之隔。咁當年申請咗個 VISA,既然有機會用,無理由唔用,再且西雅圖真的未去過!XDD
d0039085_1940214.png
由於沒時間事前作準備,我決定跟當地的華人旅行團出發。恰巧帶團的是香港人,同行的團友又大部份是 (奇怪的) 大陸人、兩位台灣人及一對香港藉夫婦。(老公的口水多到浸死你,又話自己在賭場成日贏錢,又吹到話成日食好嘢,但既然咁富貴,點解 Join 埋呢種 cheap cheap 團。我本來想開口叫佢收聲,但相煎何太急,最後我都係無出聲。)

我事前已經做好心理準備,就算識飛天,一天遊的時間都是有限,所以我認為每個停下來的地方都是一個景點。

第一站.麥當勞。

吓?
係!呢點我專登要記低。

導遊在開車前講到明,在過美國海關前 (約一小時車輛程) 都唔會有停車位可以去洗手間,有水就要盡情放。當時大家你眼望我眼話 OK,車程開始咗十五分鐘,就有位大陸女士提出話要去洗手間,恰巧未上 Highway,而附近又有間 Drive-In 的麥記,所以第一站是 Richmond 的麥當勞。

:: 繼續悅讀
[PR]
by karvitz | 2013-09-22 19:43 | :: 到處留情
:: 溫哥華.第四篇。
旅遊篇.I

d0039085_05118100.png
我覺得溫哥華似聚腳點多過似旅遊點。大部份人到加拿大旅遊,通常都先在腳溫哥華歇腳,抖返一日半日才出發向中部看山看湖看最美麗的加拿大。因這次大部份時間都只能留在溫哥華,榨盡時間才能抽到丁點閒暇去了西雅圖及 Whistler 一天遊,其他更美的加拿大景色,今次緣絕了。
d0039085_051491.jpg

如果要我歸類,我會放溫哥華在「靜態」的一欄。大部份有名的景色不是山就是湖,再加上碩大的公園及平房,整個感覺都很靜態,就連去到 Whistler 的越野單車場,聽到的叫囂聲也是很靜態的,相比祖國的群山,這裡的山邊感覺像個圖書館,很恬靜,很悠然。
d0039085_0521048.jpg

溫哥華市內著名的景點不多,旅行書用幾頁就已經介紹晒,初時有擔心過時間剩下會否太多,而實質上時間也有剩,但幸好遇上 Sales,大大小小的店舖都做緊大減價,在唔買都睇下的情況下 (況且我真的有買) ,時間就這樣被填滿了,銀包亦這樣淌血了。嗚嗚~~
d0039085_0522886.jpg

[PR]
by karvitz | 2013-09-06 23:40 | :: 到處留情
:: 溫哥華.第三篇。
人情篇
d0039085_2242736.png
由於當地公司提供的住宿在 Richmond,所以我第一個落腳點就在華人 (香港人) 最密集的地區 – Richmond。

Richmond 有大大小小不同規模的商場,我第一個駐足的就是 Aberdeen Center。它給我的感覺就好似返香港的大型屋村商場,書店賣的都是中文書;Food court 可以用廣東話橫行;鋪頭都是 10 蚊店呀、Giordano 呀及旅行社喇!真係好香港風格。

幸好,這種香港式商場只存在於這一區。到了 Downtown 後,整個商業模式又變返西化,例如只可以用英文對答,商場欠奉,一條購物街 Robson Street 盡是地鋪,行都行到腳仔軟。

兩區的分別除了形式外,店員的風格都超不同。例如在 Downtown 的商店,你走入店內大部份都會聽到店員對你講「How ‘re you today」呢類雖然無咩情感但都算親切的美式問候語句;但在 Richmond呢,完全是香港化,走入鋪頭都無人理你,店員不是只顧執貨架就是埋首睇電視,客人就慢慢睇慢慢揀。對我來說是兩種形式都好,但一個國家,兩種模式,都幾特別。哈哈

d0039085_22423224.png
同時亦有另一點想講。當地人坐巴士落車時會對司機大大聲講句 Thanks 的,在其他國家也會有此舉動,但這一次的感覺比較深刻,原因是大部份老一輩的華人都唔會開口對司機講 Thanks 的。我覺得這是華人社會習慣了巴士司機是比較低下的工作或「我已經俾咗車費,做咩要唔該你」的心態作祟,但我很好奇點解長時間在當地生活都未能夠同化他們向司機講句唔該呢?

我留意咗好多好多日,真係百分之九十的老一輩華人都唔會咁做。幸好,新世代受外國教育的華人多數都會唔該司機的,唔唔….. 總算有被好的禮儀同化了。
[PR]
by karvitz | 2013-09-03 21:31 | :: 到處留情