:: 溫哥華.第一篇。
飛行篇。
d0039085_1161441.png
講過與老闆要分開飛,由於正值暑假旺季,機票難求及貴,所以我得從上海轉機。我帶著丁點期望在上海登機,無失望之餘仲有驚喜,如果唔係,我點會開一篇講飛行篇。

由上海飛溫哥華需時十個半鐘,下午一時上機,抵溫哥華是同日的早上九時多。今次搭東方航空的客機,出發時搜索過是新機艙設計,丁點期望就是從此而來。

d0039085_1164367.png
一坐低,前面部電視機竟然係 10 吋,而旁邊更有 USB 插頭供予充電用,非常貼心。而坐位間隔亦沒有過份地太窄,算是舒服。十個鐘頭的航程吃了兩個半飛機餐,看了兩齣半電影,瞓咗兩個幾三個鐘頭覺後,拉返開個窗,外面依舊是大白天,落地的時間是當地的朝早九點幾,我真真正正咁賺咗一日時間。

:: 繼續旅程。
[PR]
# by karvitz | 2013-08-19 23:57 | :: 到處留情
:: 2013 遠行
d0039085_042157.png
這是第一次帶任務在身咁出國,即係出差囉,陪老闆出國去開幾日會,之後有幾日遊下玩下咁。由於出發前的劇情比較複雜而導致我同老闆要分開飛,雖然講到咁,但實情算是好事,不用全程 12 個鐘頭對住老闆。嘻嘻。

今日目的地是 – 溫哥華。

呢個地方又是列入「從來都無諗過會去」的系列裡面,所以就算老闆講到明部份洗費要自付時,我有一刻考慮過是否跟去,咁最後當然係諗通咗。

我對溫哥華的認識不深,出發前只知道是香港人的移民熱點,網上有提及過撞口撞面都是香港人及滿街盡是廣東話,感覺似乎奇怪,親身體驗過後發現只有 Richmond 區出現此情況,溫哥華市區普遍都以英 / 法語為主,咁都好,起碼真係似出咗國。

既然不是旅行,咁就試下唔當遊記咁寫。
[PR]
# by karvitz | 2013-08-10 23:31 | :: 到處留情
:: 偷人地個仔。
d0039085_1745912.jpg
在朋友的 fb 看到她仔仔的相片,那個帶著笑來探索世界的神情,除了超可愛外,就是勁可愛。但這個發自內心的神情在大人的面孔上真的很少見,是我們已經習慣了衝擊、或是再沒有令你覺得驚喜的事,還是你也有這個神情但不好意思表露出來?

試試,找一樣新的事物讓你有這個表情吧!要真心的,不是真心的,是看得出的。

BB 媽媽,借個仔來用下吧!XDDD
[PR]
# by karvitz | 2013-07-13 16:35 | :: 日記仔女
:: 陳年相簿。
早幾日搵返之前歐遊的相出來,發覺有好多相都未見過太陽,既然走返出來,不如拎來曬一曬,為未來的半工半玩的遠行作個準備吧。
d0039085_0191876.jpg
:: 呢個係由香港飛法蘭克福的飛機餐,味道如何?唔記得咗......但個包好硬囉。
d0039085_0195166.jpg
:: 到咗酒店,房間竟然有朱古力送,我有懷疑過係唔係上手留低的.......
d0039085_020459.jpg
:: 在旅遊區的外圍亂走,肚餓就是旦衝入一間餐廳,空無一人兼無英文 menu 的。
d0039085_0201518.jpg
:: 轉機去巴塞,驟眼一睇前排黑人男,以為航機出事要趴前喇....
d0039085_0202490.jpg
:: 呵,邊行邊搵食搵到間食自助餐,唔貴但多款,唔算超好食,但就夠晒飽。嘻嘻!
d0039085_02034100.jpg
:: 當然唔少得行超市,呢罐生力好 young 好 sharp,相比香港的老氣.... hmmmm
[PR]
# by karvitz | 2013-07-04 23:13 | :: 日記仔女
:: 兩件無關係的事。
d0039085_0442145.jpgd0039085_0441380.jpg
左:咁樣寫,即係有試過出現舞劍的奇境?驚~~
右:真係好唔明,尖沙咀貴為香港重點旅遊區,各五星級酒店都雲集尖東,但大部份尖東的商場都是殘殘舊舊,仍然擺放著八十年代的裝飾,究竟是風水問題,還是呢個先係尖東特色?
[PR]
# by karvitz | 2013-06-24 00:43 | :: 日記仔女
:: 去旅行。
有位已經轉部門,愈做愈高層的舊同事打電話來,一開聲就問「知唔知申請特區護照要幾耐?」我答「點都要一、兩個禮拜喇!」細問原來是 BNO 不見了,取而代之不如申請特區護照。但點解又要咁急呢?因為老細突然批咗十日大假俾佢 (其實佢申請咗放假好耐,但之前太忙就一直被拖) ,佢見有假期就想立即離開香港,但無時間準備自由行,唯有剷上旅行社見團就報,揀好了落晒訂之後返到屋企就出現我之前所講的情景喇!

咁都好彩,佢三個星期後先飛歐洲,呢一刻,本特區護照已經在佢手,唔使煩。但我想講就係,俾你上到中高層,事業創到高峯後,有某些情懷或心情是必定會失去的。就例如用充分的時間去準備一次長途旅行又或是陪自己的小朋友走成長路咁....

所以,無志氣都係咁講,我寧可做個有自主空間的小職員,都不想當個無晒私人時間的高層人士,有錢有地位咁又點,但無咗自己,呢點先係最慘。
[PR]
# by karvitz | 2013-06-23 23:14 | :: 日記仔女