人気ブログランキング | 話題のタグを見る

:: 工作上的小情小趣.三

第三篇

其實女同事的年紀都唔算大,只不過三十多,叫佢做阿姐的原因,或多或少都係有點悔氣成份,即係類似在旺角見到核突肥師奶行得慢又阻X住晒的時候,你好想爆一句「行X開 / 行快D 喇!阿姐」咁嘅語氣喇!

阿姐的適婚年齡已過,港女 (無貶意) 年紀愈大就愈難搵到合適的港男「埋洲」。阿姐講過年輕時,與才俊男曾經有過一段情。有次才俊上電腦雜誌做專訪,阿姐情不自禁地拎本雜誌派街坊,幾自豪,但可惜一切已經成為過去。

同事們亦試過探討阿姐點解無拖拍,其一點就係煩,一件事講十幾萬次都未講完,直頭煩過阿媽;第二,阿姐個阿媽仲煩,不停「借啲椅」苛索個女要錢,好似梅媽咁,打牌要錢嘆茶要錢食飯都要錢;第三,阿姐到呢個年頭都仲希望搵到個才俊,要有學識仲要有樣貌而且唔粗鄙,我諗除咗基佬外,只有專呃女人錢的姑爺佬合佢條件;第四,阿姐樣貌唔算標緻,她時常自爆在中上環地區閒逛時常被菲律賓及泰國人誤認,真係「泰」特別喇,你叫阿姐點搵呢?

待續。
by karvitz | 2009-07-23 23:08 | :: 日記仔女