:: 廿一點

廿一點。



唔知大家識唔識玩廿一點。

我試過在 Las Vegas 在賭枱上玩廿一點時，被賭客取笑。

我講真，唔係講笑。

我依稀記得我手執十五點，而莊家就五點面，我係第一門，即第一個被問是否需要添牌。我覺得十五點唔夠贏，當然想拎多隻牌，搏到盡去最接近廿一點。



好！我用手指點點賭枱，荷官派牌，我得了一隻三仔，共十八點，夠晒！收手。點知我聽到有賭客在竊笑，我不以為然，繼續沉醉在得到十八點，接近勝利的那個氣氛。

回到香港，看到一個專欄提及廿一點的玩法，裡面說有規則要守，亦有口闕要唸，功架十足，但我都係不以為然。直到多玩了手機的內置廿一點遊戲，才終於知道，點解其他賭客會笑我……

廿一點，表面上的玩法就是最接近廿一點的就贏，但反過來看，超過了廿一點便立即輸，反而廿一點以下，仍然都有機會贏。那個機會，就是等莊家爆煲的一剎。

原來搏莊家爆煲，比自己搏到廿一點更好玩，因為眾賭客都會與你一齊狂呼。

而賭客點解會笑我，好明顯，他們笑我不懂在十五點收手，反而繼續搏一隻有極大可能會令自己輸錢的牌。

莊家終於開牌，五點加隻十仔，即十五點。因莊家必需強制性地需要添牌。OK，落咗隻八仔俾莊家，廿三點爆煲，眾賭客都拍手叫好，立即收錢。

咦！我又發覺玩廿一點好似做人，下下去都盡都未必係最好，有時留一手做準備，等你稍一不留神就進攻，以弱制強，比每次強攻而勝開心好多喇！