人気ブログランキング | 話題のタグを見る

:: 假後抑鬱?

放長假過後的第一個工作日,堆積如山的工作實在令人氣餒,雖然有些同事已分擔部分工作,但少不免都要執手尾。今次還算好,同事只攪出一個小頭彿,解決得到的就絕對不是問題,所以今日總算平穩過渡。

記得幾年前,我最後一年在舊公司。女老闆突然改制度,大部份舊同事都須「帶」住一個新同事工作,就當作是我們的助手。阿靜,長髮架眼鏡,說話有點鄉音,就是她陪我過了在舊公司的最後一年。

她人如其名,聲小不多說話,而且非常專心自己的工作,對一概身邊的環境都不太上心。有一次,公司在我附近的地方加裝掛牆扇,而她就正正面對著那把扇。掛牆扇安裝了幾天後,阿靜突然間「呀」咗一聲,我問她什麼事,她答我「幾時裝咗把風扇響度?」我停咗一下,我答佢「上星期已經裝咗!」



對自己環境唔多留意的人,我真係會頂唔順。

而又一次,我叫阿靜幫手影印三十份文件,準備交予各貴客。容易簡單的工作,一二三四頁釘好,三十份就攪掂!她好快手就攪掂,三十份文件就在我眼前。之後我一睇,她竟然一四三二頁咁排,而且有一頁更上下倒轉,真係OMG!呢一下我絕對上晒火,我走埋阿靜身邊,俾返一份佢睇,問佢到底發唔發覺有問題。呢一下佢當然知驚,不斷話唔好意思要幫手再做,但我就話算喇!翻手起釘再排序加換正那反轉咗那一頁,時間遠超我用影印機的 set 好出紙及排好。

蠢其實無罪,如果用時間可以蓋過自己的蠢行,我寧可她們慢慢做,檢查清楚無出錯先交功課。快快手攪掂個 job,十件事錯九樣,俾人鬧又唔開心,再做過的情緒就更加低落,咁點解唔一早檢查好,無出錯先交功課呢?

今日返工件小頭彿事,又是同事懶快唔檢查清楚就去馬,而家倒轉頭要我幫佢補鑊,幸好是小事,不用驚動上頭,如果唔係,又有麻煩事會發生喇!
by karvitz | 2009-11-20 21:50 | :: 日記仔女