人気ブログランキング | 話題のタグを見る

:: 小事情。

1. 去手攪麵專門店開餐,隔離枱來了一位初到貴境的阿叔。阿叔不停地翻著那本薄薄的餐牌,之後召來點菜的阿嬸問「有無水餃?」阿姐話無,之後再問「有無雲吞?」,阿姐話水餃雲吞都無,食東坡肉茄蛋牛肉墨魚咀及肉醬喇。阿叔停咗兩三秒,再問「咁有無餃子?」

我聽完阿叔講,即刻暈得一陣陣,有無咁麥兜真人版呀?我唔同情阿叔無水餃雲吞餃子食,我反而替落單個阿嬸尷尬,換轉係我,呢個 moment 我應該就會爆喇!

2. 在門診等打針,預防流感那種。在我注射之前,是位年青男子。他那條牛仔褲超低腰,滑落到半個八月十五差不多。

之後佢走入注射室,護士姐姐一聲令下:「除褲」,年輕男似乎有點被嚇到,急問「除幾多?」,護士姐姐見慣大場面地說「除小小喇!」果然薑愈老愈辣,一聲「除小小」就將個波推返俾年輕男自己定奪究竟脫幾多。(呢個時候我只係聽其聲,非望其行呀!)

打完。年輕男蹺下蹺下咁行返出來,女朋友上前攙扶。年輕男:「好痛,上次好似都係打手臂,點解今次會打股巨肌呢?」,他繼而掀起襯衣予女朋友看看那個打針位。我望一望,個針孔根本只係腰位對落小小,邊使除褲呢?

之後護士姐姐就叫我…… 諗下諗下,我上年都係打手臂....… 唔通今年都要………?哎呀 !!!!!
by karvitz | 2009-12-03 23:57 | :: 日記仔女