人気ブログランキング | 話題のタグを見る

:: 華東行.IV

上海篇














.到上海市中心前,先到朱家閣。導遊說是前上海市中心,後來再移到黃埔江邊。感覺上朱家閣就似被遺棄的,四周的高樓大廈不多,樓房亦不見有修葺,但就係咁樣,這個朱家閣才顯得有種舊城味。



.蠶絲被在手信店賣四百五,呢邊賣八十;龍井手信店賣五十蚊罐,呢度賣二十蚊罐;紫砂壺手信店賣三百,呢度開價七十;誰是真誰是假我都懶得理,所以我一併納它們所有為假貨。












.上海新天地及豫園商城都是活化古建築的最好例證,雖然是商業化咗一點,但好過拆咗去毀滅一切。

.知唔知海寶是什麼?淺藍色的一舊嘢,不算比東仔及阿妹吸引,但呢隻世博吉祥物就通街都有,不少人簇擁著要影相(包括我)。國家的團結力量真的不可少看。

.仲有,正版海寶公仔買一百八十,老翻海寶公仔一模一樣大的,在豫園商城旁邊批發區只買八蚊,勁!




.到豫園商城記得講價及格價。朋友買入三國人物面譜,開價四十五蚊一塊,後來講價到三十蚊,買五塊一百五十。之後我同女友人再行過另一店鋪發現有售繼而上前問價,店同樣開四十五,我都無心買,粗聲粗氣跟女友人講咗句「走吧」就行咗去,之後店會追出來話三十五、三十,去到最尾佢竟然開價二十,痴線!我真係「鄧」朋友仔心痛,無喇喇多用咗五十蚊。

.上海到處都是工程,挖地整路不會圍欄圍板,感覺上就爛地很多,三步一小拆,十步一大改,沙麈滾滾得恐怖。
















.南京路步行街是買手信的最好地點,沈大成、上海第一食品等等都要出血,但總叫買得夠開心。


.在上海遇到的最好生煎包 - 小揚生煎








.夜晚的外灘始終比日頭的吸引。

.便利店有好多,比香港還要誇張,除了分店不多的7-11 外,還有 Family Mart 及 Lawson 的「來佬」幫及地頭虫華聯,真係行幾步就有一間喇!




.最後一站,浦東國際機場。

後記。
.先前講過回程時有哈根達斯雪糕,其實在空姐派雪糕時發生了一斷小插曲。雪糕一向都只有士多啤梨味及咖啡味,空姐派來派去都係呢兩隻味,但就係唔知邊度傳咗「朱古力」三個字出來,之後各乘客就紛紛舉手話要朱古力味。咁空姐當然要逐個解釋,真麻煩!據我理解,我諗係有人見到雪糕杯上咖啡味個圖案啡啡黑黑就以為係朱古力,繼而就大叫要朱古力味,就因為係咁,就攪到部份搭客空歡喜一場。而我?士多啤梨都夠好食喇,有果肉又酸酸地,真好食
by karvitz | 2010-02-19 23:28 | :: 到處留情