人気ブログランキング | 話題のタグを見る

:: 志明與春嬌

前話

.《志明與春嬌》未正式上畫,我就搵定朋友去睇,找一個常看電影的朋友,他劈頭同我講話「上次《破事兒》已經俾我坤咗,今次個男主角,睇多兩眼都頂唔順,唔睇!」我諗你既然咁決絕,當然唔會強人所難。正式上畫後的幾天,那個朋友跟我說「好睇,呢套戲一定要睇!」我心諗「之前叫你睇又嫌三嫌四,而家轉頭又話好睇,超!」



.一致好評,由票房慘淡到加場大收,實在是口碑太好,問十個九個讚好,雖然而家只收緊四百幾萬,但口碑佳就已經勝過一切。

.故事不必說太多,一段由打邊爐 (圍埋一齊在後巷食煙) 開始的六日姐弟戀。男的剛分手,女的就與拍拖五年的男友平淡了,兩個撞埋一齊,就是五個字形容晒「姣婆遇著脂粉客」。



.電影好看在時代感十足,SMS 傳情一段,春嬌在露台猜度的一幕,其實真係幾到位。其他小節如街邊賣貼紙的阿婆,老公主見 Facebook 台灣男及圍埋講是非都好有小情小趣。

.導演用上很多背光的技巧,特別多用在楊千嬅身上,拍得她很的好看,尤其是後段在後巷煲煙,春嬌望向前,志明望向後面警察群的一幕,特別有好感。 (這些背光的拍攝,我完全聯想到《原來過得很 快樂》的封面照。)

.余文樂平實好看,沒有誇張,但側面與導演葉偉信簡直一個餅印。海灘叔做食環署職員又夠攪笑,黃德斌的出場實在太少了,而一眾打邊爐朋友都稱職合身,好看。

.《志明與春嬌》不是大收的電影格局,但小眾之中的都可以成大事的,看看這套戲會否繼《獨家試愛》後,另外一套衝破千萬的地道港式愛情電影。

.p.s. 當然不能少談電影的音樂,配樂輕鬆舒服,清新夠品味,而點題作〈呼吸需要〉亦聽得返消失了三年多,楊千嬅的最真實聲音,都要一讚啊!
by karvitz | 2010-04-18 23:20 | :: 日記仔女