人気ブログランキング | 話題のタグを見る

:: 升職.記



上司跟老頂絕少向大老細提出要求,例如公司資源及增加職員的 Head Count,原因是大老細多數也反對。

直到近期,上司發覺人手調配欠靈活而職位的分配又不平均,所以決定進升部份年資有返咁上下的同事。在左問卷右調查後,終於決定逐步把合資格同事躍升,首當其衝的是肯做肯拼,但頭腦不太靈活及創作力一般的 C 先生。

上司無大肆宣揚,一班同事只能在公司的文件上看出 C 先生的職位有所改變。直到C 先生升職後的第一個月,中高層的同事夾計屈 C 先生萬歲,但一講到錢,C 先生盡顯其軟皮蛇的性格,毫不爽手。

最後C 先生鬼咬咁聲靜靜雞拎咗五百大圓出來,之後跟C 先生稔錯的高層走去問揸數的:「佢拎咗幾錢出來」,而揸數的同事又剛剛就放咗兩千蚊 Petty cash 在檯面,稔熟的高層就以為佢拎咗兩千蚊出來宴客。咁揸數的同事立即澄清只有五百蚊筆直,那兩千蚊係公家數。




高層知道後立即戲謔 C 先生一番,希望佢可以加碼賀慶。點知C 先生一個屈尾十摷返幾年前,佢滿三個月試用期請食餅呢件事出來,話其他的同事過試咗試用期都無請過食餅,點解只係我一個人請,又左又右,不停咁數……

噢畸,呢次你贏!

小家的男人真係好核突,雖然 C 先生昂藏六呎,外貌都尚算俊俏,但一講到錢就醜態盡露。升職加薪咁普天同慶的事都可以攪到重裝甲上身咁,只可嘆一句C 先生既唔識做人,更唔識在工作上打關係。

真係要放長雙眼睇下 C 先生仲有無機會再上喇 ……
by karvitz | 2010-08-20 23:32 | :: 日記仔女