人気ブログランキング | 話題のタグを見る

:: 一些生活。

:: 一些生活。_d0039085_0105037.jpg
※ 除了肥牛山外,農曆新年前也去過韓燒。就在我們的不遠處坐著一位男子,單獨地吃任飲任食的韓燒,他的爐上滿是雞肉腸,什麼豬牛羊的新鮮肉類都沒有,是有點奇怪吧!之後聽到他大叫大嚷「我要加鼓油、我要加鼓油」才驚覺他是精神出了點狀況的人,我同時看到鄰桌的眼光是有點奇異,而侍應們當時亦頗尷尬。

※ 初三晚赤口,到了朋友家拜年兼發新年財,眼巴巴看著必吃的十三么被氣勢強勁的朋友先行自摸,確實是有點失運。話說回頭,每次十三么叫糊呢,我個心跳都會啪啪啪啪啪咁,不自覺就會好鬼緊張,真奇怪!(就算食得出,都只不過係收三十二,好細好衛生的。)



:: 一些生活。_d0039085_011367.jpg
※ 初七晚與朋友入馬場,唔旨在發新年財,只想大家聚一聚傾一傾咁。跑到尾場前,我已經贏夠咗我個晚餐咖哩牛腩飯 (跑馬地馬場七樓個哩腩飯係幾有水準) ,算有交待喇!最後尾場還給我一個Home Run,好嘢!之後幾日午飯都有係馬會請,真係多謝晒!咁朋友都靠尾場翻身成功,真恭喜。

※ 初十先同有家室的朋友開年,揀咗同屬稻香集團的《上樓》。望望餐牌,四十六蚊一個雞絲粉皮都算正常價,但原來上菜時份量超少,同樣情況亦出現在炒飯及粗炒上面。到埋單先知原來免收茶芥加一,即係打個九折。之後再送一張用一百平五十的現金卷,即係再打個九五折,咁計法那碟超細的雞絲粉皮即係三十九蚊,都還算合理,但其實可唔可以俾返一碟值四十六蚊的粉皮呢?唔好食餐飯都要我做神算子呀,左計右計咁,勞心勞力喇!
by karvitz | 2011-02-17 00:12 | :: 日記仔女