2012年 06月 16日
:: 中環加記。
更衣室要用電子咭出入,入口放了部如地鐵出入的閘機, 出口就只有一度小門,直覺上是壞的。因為有哥哥仔拍完電子咭想離開,但那度小門長長都沒有彈開,我咁岩路過搵我幫手,我輕輕一推度小門就開了,根本就無上到鎖。 (以我半專業的推斷)
兩排Locker 中間的通道超窄,根本容納唔到兩個人,萬一同時間有兩個人在換衫,很容易就有身體接觸。擺放風筒及鏡的空間也不夠,密密麻麻的要擠三個人,設計真差。
戲肉來了。
Studio 都尚算寬敞,但冷氣系統不知是壞還是設計問題,後排的地方根本就無風,一邊焗一邊跳再出汗,近排出汗最多都係呢次。運動中,前排及左邊的大嬸都跟唔到拍子,一個快兩拍,一個慢一拍,根本無一個係順住拍子去,點跳呀?幸好尾段有人走,我先有個抖到氣的空間。
已經累到暈低,仲要由十一樓行返上十四樓換衫,換完仲要繼續行返去十六樓 check out,真係累 * 10。
其實大廈有升降機提供上落,但每次都要等,有時仲要同人迫,再加埋臭汗味,我行樓梯算喇。
環境雖是不錯,中環高層地區望景都頗佳,但可惜活動地方分得太散,真的比最差的百寶利還要差。
by karvitz
| 2012-06-16 00:15
| :: 日記仔女