:: 你夢到些什麼？

有好多夢，瞓醒就唔記得，點諗都唔會記得；但如果計瞓醒我都仲記得，出場次數最多既場景應該係「等 lift」。

聽得最多有關「lift」的夢大多數都係困 lift 或架 lift 由高空墜落 (通常呢個都會嚇醒，同埋我知道原因是壓力大而引致)，但我從來未聽過有人「等 lift」。

場景不斷換，例如戲院、宿舍、老媽屋企及好多年前打暑假工的工廠大廈，但等 lift 的情景就如平日返工返屋企咁，只不過係架 lift 等極都未到，或者好似鬼片咁，搭單數 lift 反而停左在雙數樓層，唔同的地方就係我個夢無恐怖成份，亦都無出現鬼神。

咁究竟代表什麼？

會唔會係代表住唐四樓的我表示好想幢大廈有 lift 搭而朝思夜想到連發夢都想有 lift 坐呢？

真奇怪。