:: 旅行奇事．I

又計劃去旅行，自不然翻出旅行事件簿重溫一篇，才發現有些旅行奇 / 趣事未曾分享或有分享過但已石沉大海，今次重新整理再拎出來分享下，讓大家感受下旅行奇事有幾奇。
－ 馬來西亞篇 －

單獨旅行，我最怕遇到順風車，上？不上？好人還是壞人？難分難解？

在浮羅交怡，我沿公路旁一直向前行 (公路旁有行人路的)，行到大概三分一的路程，有架小貨車的司機問我去邊，似是想 give me a ride，我拎張地圖話佢知，佢示意 OK 就叫我上車。當我諗住可以慳下腳骨力之際，點知………………




司機只係載咗我去最近個候車站！而呢個候車站係要等個半鐘先有車到。

你知道嗎？給你一個希望然後立即又吹散是幾咁痛苦！

我當然落咗車 (唔通賴死唔落車 / 定想我拎把刀出來要脅佢車我到目的地)，而呢程夢幻的順風車…… 全程不足五分鐘！是不足五分鐘！真慘。