:: 手機媽媽。

老媽的手提電話月費到期，而佢又開到口開想轉用智能電話，咁做仔的當然要盡力幫下手。先撇除最新最貴的那些，因為老媽根本用唔晒；再撇除大陸製手機，唔想用半年就壞，到頭來又係煩到自己。最後老媽揀咗部出咗已經年半的貨尾大 mon 手機，但後來我發現另一部三叔牌，功能比 S4 及 S3 都要差好遠，但最最最大的賣點是價錢平一大截，而且最重要的是....... 有 5 吋 mon，岩晒。




買咗，幫老媽 set 好晒前期的麻煩事，再裝埋 candy crush 俾佢就任佢發揮。細佬再幫佢裝埋 whatapps，但就無教佢用，等我見到有 whatapps 時就教佢用手寫功能，佢自己寫咗幾隻字俾細妹，之後細妹回咗一句「你終於有 whatapps 啦？」

阿媽回一句「係呀！返來食飯嗎？」再加多個 emoji，之後阿妹回咗句：「你唔係我阿媽，因為你無可能識用。」

哈哈！原來唔係只有鑑定是否親生先會出現「你唔係我阿媽」呢種對白，識用 whatapps 都會出現，而且仲講得好順口，哈哈。