:: 溫哥華．第一篇。

飛行篇。
講過與老闆要分開飛，由於正值暑假旺季，機票難求及貴，所以我得從上海轉機。我帶著丁點期望在上海登機，無失望之餘仲有驚喜，如果唔係，我點會開一篇講飛行篇。

由上海飛溫哥華需時十個半鐘，下午一時上機，抵溫哥華是同日的早上九時多。今次搭東方航空的客機，出發時搜索過是新機艙設計，丁點期望就是從此而來。

一坐低，前面部電視機竟然係 10 吋，而旁邊更有 USB 插頭供予充電用，非常貼心。而坐位間隔亦沒有過份地太窄，算是舒服。十個鐘頭的航程吃了兩個半飛機餐，看了兩齣半電影，瞓咗兩個幾三個鐘頭覺後，拉返開個窗，外面依舊是大白天，落地的時間是當地的朝早九點幾，我真真正正咁賺咗一日時間。



＜上＞
左上：每次起飛前都留個念。
右上：陰晴不定下出發，竟然有彩虹相伴起飛，正。
左下：最多最多最多出現的旅行相。
右下：又到最期待的一刻 - 飛機餐。不過不失喇。

＜下＞
左上：蒲東機場的屋企設計竟然是插針款，意頭好嗎？
右上：往溫哥華那一程最主要的一點，有 USB 插頭！正
左下：同時配以十吋大電視，大過 iPad 呀。:P
右下：一覺醒來打開窗，是又一次的日出，到喇到喇！

續。