// 十二月十四日 - 西苑酒家

1. 今日公司有部門邀請我們部門到銅鑼灣利園二期的「西苑酒家」來一晚預早的聖誕聯歡。七時多開席，連生果頭盤一共十三道菜，見到菜單位位同事都已經好開心。
一邊食一邊玩遊戲，預左有禮物我都唔會抽到的心態去玩，但勢估唔到，竟然在最無聊的遊戲「你摸下你張椅底有冇野」的情況下，整個場一百人，只有十個人有，我是其中一個。從來都未試過 -- Unbelievable.......

2. 今晚真係食左好多好野，有「仙鶴神針」 (用頂鴿藏著晶瑩通透的牙揀翅)，亦有招牌「爵士靚湯」(用美國蜜瓜、花膠、響螺等煲成，好足料)，仲有象拔蚌和參，認真落足料，個個都食到好開心。

3. 人人有獎永不落空的抽獎時間又到，上年我有個暖風機，未用過之下已經唔見左 (其實係俾阿媽收埋左) 。除此之外，上年其他同事抽到沐浴套裝、Polo 頸巾、Starbucks 禮物及Candle Stand + Candle...... (大上司抽到，都唔知好嬲定好笑)。今年唔知係唔係經過有關方面投訴關係，禮物已全面改頭換面，由禮物轉成百貨公司現金卷，勁開心。

現金卷包括Sogo, 三越, 老行家, Citysuper... 等.... 幸好我抽到三越現金卷，終於都可以完我買件靚運動衫的願望。

最期待這一份獎品的同事，有的抽到是但手飾，有的抽到米奇水晶手鍊，有的抽到手錶..... 有人喜歡，有人卻更加喜歡現金卷。

4. 最後十時多曲終人散，嘻嘻哈哈過後明天又係新一日。星期四，又是一天忙碌及趕趕趕的一日，期待中。