人気ブログランキング | 話題のタグを見る

// 十二月廿九日 -- 網上來的抄襲文章

1. 從來無諗過自己寫的文章會有價值,價值什麼?我大概也不知道。這次我只知道我的文章被人思想「複制」,他可能看過我的文章後消化,再繼而加鹽加醋加字做成另一篇新的文章。

我自己係讀電腦寫Program 出身,所以對那些表達不一樣,但概念格式相同的東西非常敏感。我唔介意我篇文章被用,但如果你Quote 返出處,我真係冇所謂。但佢而家將我篇野斬頭斬尾,再加自己的小小觀點就據為已有,好似有小小過份啦!你地自己睇下啦......

呢段係佢寫的:
// 十二月廿九日 -- 網上來的抄襲文章_d0039085_0204129.jpg
http://hompy.netvigator.com/main/page/chicken520

呢段係我寫的:
從商業角度看,黃柏高的確是一位有眼光有能力的老闆,陳慧琳及許志安都是黃先生從低位持入,高位沽出。他在一兩年間谷紅了他們,不停地出碟、拍廣告、開個唱、出碟、拍廣告、開個唱…. 一直循環不息地做。到大家看得覺得悶覺得厭的時候,黃柏高率先撇走,留下的就只有慢慢霉下來陳慧琳及許志安,直到現在。

現在黃柏高的賺錢機器卻是古巨基,一年幾張唱片,廣告個唱頻繁不斷,把古巨基由實力派變成偶像派,一首又一首毒情歌送給他,雖然首首大熱,但似乎已經去到了盡頭。
你地自己評下啦!!

2. 其實今次我係想講「搏」,「搏」晒老命去做係唔係就叫做好?呢兩日見到有兩樣野唔知點解搏到好盡,我當然唔會係講葉嫙啦!我想講的係華裔小姐競選的宣傳片同埋 Manhattan 信用咭的優惠!

先講華裔小姐競選的宣傳片,成條片名為「絕色」,電腦特技再加上精湛的剪接,賞心悅目。宣傳片主角為上屆華裔小姐競選的亞軍 -- 陳法拉。除了佢個名似法拉利外,其他關於佢的記憶簡直係冇。整個宣傳片有如電影Trailer 一樣,由片頭到完場一概做足,非常落本「搏」得「狠」。我相信此段宣傳片應該不會只播一次,大家有機會可以留意一下,真係拍得幾好,但好似「搏」左小小喎!

再講 Manhattan 信用咭的優惠,話說昨晚睇報紙及聽收音機都接收到這個優惠 : 優惠就是用$1 睇戲, Manhattan 信用咭包了大除夕和年三十晚的UA 時代及朗豪坊的晚上力九點半場。咭主簽賬及現金透支達$800 就可以用$1 換購黃金時段戲票一張。嘩!一張飛要簽800 , 二人世界要簽1600,真係要好狠下先得啦。再講真,包起左2個場的9:30 ,真係可以「圍」到本?萬一冇人睇冇人換,硬生生貢霸住成個9:30 場,真係實俾人「燒你數簿」啦!貢做,係唔係又「搏」左小小呢?

本來係想Cap 返條宣傳片及個廣告出來,但唔知點解Cap 唔到同埋搵唔到個廣告所以一張圖都冇啦。

3.今晚冇啦啦又諗起呢首歌的歌名,連點唱都唔記得。上網搵左一陣,竟然都仲搵到試聽,聽返就有小小記憶,大家睇下歌詞啦。

愛太難 ~ 劉德華

意識間 誰躲開我臂彎 談話亦沒字眼 最遠的距離竟於咫尺間
每一天 忙於工作進餐 然後又是夜晚 成年人習慣
沒事忙 不感嘆 

回望我過去有聚有分散 熱戀一世那樣難 
而就算愛你彷彿感覺都很淡
時日會過去快樂似轉眼 誰的心其實都孤單
也只想擁抱別人 來消滅冰冷 

我只想 從奔波裡再返 
同望日落霧散 這半生要求 多麼簡單
每一天 忙於工作進餐 然後又是夜晚 成年人習慣
沒事忙 不感嘆 

回望我過去有聚有分散 熱戀一世那樣難 
而就算愛你彷彿感覺都很淡 Oh
時日會過去快樂似轉眼 誰的心其實都孤單
也只想擁抱別人 來消滅冰冷

回望我 過去有聚有分散 熱戀一世那樣難 
而就算愛你彷彿感覺都很淡
時日會過去快樂似轉眼 誰的心其實都孤單 

或者想起某人 仍只得今晚
by karvitz | 2005-12-29 23:35 | :: 人生小體驗