2006年 02月 16日
// 二月十六日 -- 太安樓
下車後,我並不是第一時間找髮型屋剪髮,而是走到太安樓睇睇行行啦。
太安樓出名的地方是在地下的那一個極之「美好」的小商場。租書、超市、藥房、賣衫、車仔麵、地產、夾餅、生果店...... 應有盡有,非常方便。
我走到這裡,見到各式各樣的小食,唔執輸當然要捧場。先來一底夾餅,再來一包冷麵。
這種冷麵在香港已經出現了好幾年,今日我才是第一次夠膽買啦。
行了一個圈後,在大街大巷的地方看到了一間感覺不錯的髮型屋。師傅手起刀落地幫我完成這一項我不太喜歡的例行公事。(我唔中意剪頭髮,都應該童年陰影作祟啦)
臨走時,在筲箕灣有名的甜品店買了些用芒果制的甜品回家。
這是一件芒果Pancake,雖然賣相不及滿x 又或些手x 甜品,但看到一層又一層的芒果,一層又一層的忌廉,你就知道要做一件這樣的東西是要花何其多的心機。好食!! 正!!
2. 今日睇報紙,一見到楊千嬅解釋她與Solar 傳出緋聞的回應,我真係從心地笑左出來。雖然楊千嬅不是唱歌最好,樣貌亦不是最好,但我相信她那對人歡笑 (背人垂淚) 的性格卻是最真、最可貴的。
報導的大概內容 :
搭 上 Soler 超 離 奇真係好野,俾人傳緋聞都可以攪到去木工,真係好野!千嬅,你係得..... 哈哈哈
千 嬅 : 成 日 界 野 木 工 咩
3. 又係昨天的事,本來一心拍板話買一件$ 220 的運動衫,個款好型,顏色我都好鍾意。試上身後才發覺件衫係好好好好超薄,裡面有什麼都可以睇晒。唉.... 我又唔好身材,又唔係運動型,點著都唔會好睇.............. 最後,在試身室徘徊了五分鐘,才不好意思地把那件衫送返給售貨員姐姐,依依不捨地離去。
就算幾鍾意都無謂勉強啦,無幸福啦!
我想買的就係好似呢個Style 啦......
4. 今日見返一個已經走左的舊同事,其實係退左休,返來公司拎票。我見到佢,佢好大力地同我握手,好有誠意,好開心的感覺。最衰我岩岩有樣緊要野做緊,如果唔係,一定同佢講兩句,問下佢近況啦!
希望佢一切安好,身體健康啦!
by karvitz
| 2006-02-16 20:14
| :: 日記仔女