// 四月二十一日 -- 呀邊個邊個

阿祖、阿好、阿佬、阿寶、阿草、阿帽、阿稿 ……

一生人遇到的人實在太多，其實要清楚記得每個人的稱呼都不是一件易事。當然，如果你是保險從業員或者是夜場小姐，記得每位「大爺」的大名是一件必要的大事。

我慶幸自己不用強迫去牢記客戶的稱呼，但一些內部的溝通始終也免不了。記得大約在兩個月前，公司的某幾個部門同時地聘請了三位女仕， Stephanie、Katharine 及 Francis 。在一個無樣貌、無身材、無識別的情況下要緊緊地記下這三位女仕，對我來說實在是一項值九點九分的高難度動作，幸好三位女仕與我的關係都只是建立在電話上，而電話上又有顯示內線號碼的裝置，我才勉強分辦清楚。

今日因急事走到其他部門暫借影印機，在此工作完結前的十秒，該部門高層從房間走了出來，然後走到我附近笑笑口地說了一句：「XX (我的名)你影完未，未就攝個位來影下先。」此時此刻，影印機我剛好用完可以歸還，我笑笑地回答一句：「剛好用完，唔該晒」便離開了。

離開該部門後，我為了她能說出我的名字而呼一口氣。因為工作上接觸不多的關係，有機會整個星期也未能在公司裡遇上她，但在這種情況下她仍然記得我的名字，令我不用揹上「呀邊個邊個」這個帶點貶義但又最易開口的稱呼，真得值得為自己高興。

生命大道上會遇到的人和事實在太多，遊客是你，風景是我，要每一樣也牢牢地記下來，看似真的沒有可能，所以每個人心中也應該有幾個「呀邊個邊個」的。

喂！「呀邊個邊個」.... 留個言俾我好喎！哈哈！

------------------------------------------------------------------------------

呀邊個邊個
~ 陳奕迅

長氣的媽媽每天鬧我　成日將七姑四姨舅母記錯
還記得稱呼舅公十次　有八次　叫錯　幾多親戚　點去認喎

咪忘記　呀邊個　咪舊陣娶左邊個　要叫聲呢個　o個個　唔記得左咯
咪忘記　呀邊個　咪就係家姐邊個　要記得呢個　o個個　你大個咪錯

隨我的身高每天漸變　媽媽的叮囑始終未厭
人際的餐單每天在變　而我要　應變　披荊斬棘　彷似大戰

咪忘記　呀邊個　咪舊陣踩親邊個　要小心呢個　o個個　唔記得左咯
咪忘記　冇邊個　著實係益左邊個　我呀媽講過　講過　我大個咪錯

（我不怕被不罵　你給我廿年吧）人一生中總有日化

我忘記　呀邊個　舊陣係公司邊個　佢最憎呢個　o個個　唔笑得邊個
我忘記　呀邊個　實在係家陣邊鬼個　要記得呢個　o個個　我就冇乜錯

我忘記　呀邊個　要小心呢個　o個個　唔記得左啦
我忘記　呀邊個　我呀媽講過　講過　我大個咪錯