// 十月十一日 -- 百寶利的一夜

1. 今日第一次走到旺角百寶利中心的健身房，由地下到男更衣室足足要行成七層樓，真係超級唔方便，遇正好似今日勁趕時間，但那些主要的樓梯卻迫滿了人，無法上落的時候，我真係有想過不如一野掃開佢地。當然我無貢做，但係就因為要等，我錯過了排隊入Studio 霸位的時間，唉！

2. 七點半上堂，我剛剛去到達Studio，裡面迫滿了幾十個朋友仔，而那間小到阿媽都唔認得的Studio，真係想小佢那媽，又長型、中間又有柱、後排又有角落死位，唉！都唔知點Design啦！講返正題，當我入到Studio 時，已經插針都插唔入，冇可能再容納多一塊Stepper。我黯然地站在門口，正擰擰頭地準備離開之際，身旁站在角落位的男人突然開聲「你用中間o個個位啦，都係我霸的」我望住那一千零一個位，那一下衷心的由心的「多謝」鏗鏘有聲地從我口中向那個男人道出。我 -- 又遇到好人啦！

3. 幸運地可以盡情地出一身汗，返到更衣室沖涼過後，心想唔知會唔會見到唯一一個會在百寶利中心健身的朋友呢？話就回頭，返到Locker 前，當我正想掏出鑰匙準備開Locker 之際，身後突然間有一個熟悉的身影走過，而且還要停在我的右邊。我抬頭一望，心就了一句「咩貢邪呀！」當時因為我沒有戴眼鏡，在鬆郁曚的情況下未敢認定就係佢，但當佢又望到我的時候，他終於都開口「你o米係XX o個個？」我唯有答「係」

佢係我公司固定裝修公司的地盤佬之一，平日見佢都有飲開奶粉，又喜歡托下鐵 (佢返工真係要托鐵啦)，都知道佢應該有做Gym，但無想過會遇到佢。佢再同我講「頭先在Studio 都已經見到你，你企中間最尾呀嗎」，我答佢你都幾好野，貢都認到。之後佢又話「我以為人有相似啦」 (我唔似會做運動的人咩！妖)... 我回答「係呀，係我呀.. 哈哈哈」

之後再寒暄幾句之後便Bye Bye，差在大家冇講一句「明天見」....

又到問問題時間啦:
a. 點解我會遇到呢個地盤佬？
b. 遇唔到好人，又會唔會遇到佢？
c. 成個更衣室有兩百幾個Locker，點解大家係用埋同一Row？
d. 同一Row 都唔緊要啦！點解會貢橋係我用上格，佢用下格呢？
e. 係冥冥之中的巧合？
f. 還是成日鬧人「唔該你清醒D」的阿久津老師惡魔降臨來攪我一野？
g. 最後一題，如果係冥冥之中整定，我係唔係應該主動去交個朋友呢？話唔埋我上世幫過佢，佢今世來補恩呢？撈返D「油水」都好噃！

4. 想遇到的卻遇不到，失驚無神彈出來就成日有..... 睇來都要聽下呢首歌解脫一下啦！嘻嘻

十面埋伏
~陳奕迅

聞說你時常在下午 來這裡寄信件
逢禮拜留連藝術展 還是未間斷
何以我來回巡邏　偏仍然和你擦肩
還仍然在各自宇宙 錯過了春天

只差一點點即可以再會面
可惜偏偏剛剛擦過 十面埋伏過 孤單感更赤裸
總差一點點先可以再會面
彷彿應該一早見過 但直行直過
只差一個眼波 將彼此錯過

遲兩秒搭上地下鐵 能與你碰上麼
如提前十步入電梯 誰又被錯過
和某某從來未預約 為何能見更多
全城來撞你 但最後處處有險阻

只等一個眼波
軌跡改變角度交錯 寂寞城市又再探戈
天空閃過燦爛花火 和你不再為愛奔波

總差一點點先可以再會面
悔不當初輕輕放過 現在懲罰我 分手分錯了麼
分開一千天 天天盼再會面
只怕使你先找到我 但直行直過
天都幫你去躲 躲開不見我