// 四月三十日 - 小事三樁

1. 益達近日新推出了一種名為「Herbal」(香草味) 的口香糖，本人身先士卒地膽粗粗買了一小包，邀各方同事品嚐。在包裝的袋子上列出了菊花、羅漢果及白蘭花三種植物的圖案，奇奇怪怪的組合，究竟係咩野味道呢？
　　　　　　　　　　　　　　　　　　

同事K : 好似食左個廁所落口一樣，好怪！
同事S : 咬落去的第一個感覺好似清潔劑，好難受。但咬下咬下又幾清香。
同事B : 唔好食，都係士多啤梨味最好食！
同事J : 一粒起半粒止，味道有點似中藥，唔討好！
我: 只此一次，下次無必要都唔會再買！但其實咬耐左，陣菊花味都一直留係個口度，都算襟咬，OK 啦！

總括而言 : 在有選擇的情況下，一定不會再買這種口味的口香糖。

------------------------------------------------------------------------------------
2. 地茂記甜品過後的星期天，我終於旗開得勝，立即把當晚的「萬歲」金額理所當然自動地入了馬會數，真暢快，超理想。正！
(識睇的朋友就睇啦，唔識睇的就算啦！哈哈)


(陳生、郭生郭太，我係食完飯先中，唔係排隊拎錢那日收回來的！嘻嘻！)

------------------------------------------------------------------------------------
3. 在電影院看過《十分愛》及《蜘蛛俠 3》後遺留下一連串的問號在腦海裡.....

- 問《十分愛》: 點解導演會睇到現代的愛情是你呃我我呃你呢？
- 問《蜘蛛俠 3》: 點解有頭有臉的蜘蛛俠也要失驚無神地攪攪笑呢？

- 問《十分愛》: 點解導演要拍到鄧麗欣 bitch 得貢緊要呢？但其實Stephy 已演得好好，因為本身她應該並不是這類Bitch！
- 問《蜘蛛俠 3》: 點解女主角醜樣無演技都可以拍到第三集呢？

- 問《十分愛》: 點解結局都係仍然要猜忌，唔可以Happy Ending 咩？唔通導演無得與女主角一同快快樂樂地生活，就要令到她在戲中也無法與主角相宿相棲？
- 問《蜘蛛俠 3》: 點解化敵為友會貢兒戲，唔通真係「化敵為友，全賴出頭」？

但又總括來說，兩套戲都各有娛樂性。如果大家有時間，又有閒錢可以娛樂下。年青一輩可以揀《十分愛》，老小小的一輩就可以揀《蜘蛛俠 3》來Kill Time ，算是不錯的小選擇啦！