人気ブログランキング | 話題のタグを見る

// 笑談小新聞 (0216 - 0222)

笑談小新聞

近排好多記者會 (茶聚),好多金句,有些精警,有些懶醒,有些偉大,但有些卻好感動。記得那晚,食食下飯睇返電視重播的我也差點流下淚來,認真狼狽。

------------------------------

街 霸 高 手「 屈 機 」 被 毆
  一 名 打 機 技 術 高 超 的 青 年 , 玩 「街 頭 霸 王 3 」遊 戲 時 遇 上挑 戰 者 , 因 連 場 大 勝 令 遊 戲 時 間 大 為 縮 短 , 惹 來 不 斷 敗 北 的 挑 戰 者 不 滿 , 指 摘 高 手 「 屈 機 」 。
全文連結 :
:: 明報 - 20080217
:: 蘋果日報 - 20080218

:: 打機變打架,由虛擬世界打到現實世界,認真好打。記得舊式機鋪 (即係煙霧瀰漫,再加上有古惑仔「R 錢」的那些),打街頭霸王呢類格鬥Game 係要平排而坐,仲有迫迫夾夾的。當兩個大男人迫埋一齊,你推我撞為在虛擬世界爭取勝利,真係好鬼易扯火。輸得唔服氣,真係好易就揮拳「中」落去隔離,釀成打鬥。

可能有見及此,近幾年街機的設計都有所改變,由平排挑機對打變成打對家坐對面,用螢光幕把兩位好勇鬥狠的格鬥家分開。其實,打街機我真係自愧不如,挑機好又或是被挑都成日輸,所以打到出火呢個現象好少出現在我身。

但我不諱言話過你知,我同好多打街機的人都一樣,都試過指住部街機個螢光幕不停不停地鬧。唔知我講咩野,你試下走女人街旁邊那些污煙漳氣的舊式機鋪,企一陣就會知道。

:: 平凡像我路過十個似我,說得我好中。但其實不平凡的你,又知唔知咩野係「屈機」、「挑機」、「跟機」或「R 錢」及「讓Round」呢類機鋪述語呢?我就由細聽到大,唔知你地又有無聽過及用過呢?


狂 徒 再 偷 港 鐵 垃 圾 桶 「 內 膽 」
  港 鐵 垃 圾 桶 「 內 膽 」 連 月 成 為 偷 鐵 狂 徒 獵 物 , 其 中 彩 虹 站 昨 日 又 發 生 「 失 膽 」 事 件 。

  據 悉 , 站 內 閉 路 電 視 首 次 拍 下 狂 徒 犯 案 手 法 , 原 來 有 人 以 巨 型 「 紅 白 藍 」 尼 龍 袋 作 掩 護 , 在 站 內 流 連 期 間 伺 機 揭 開 垃 圾 外 殼 並 取 出 「 內 膽 」 , 然 後 乘 列 車 逃 去 。
全文連結 :
:: 明報 - 20080217

:: 呢單新聞都真係痴鬼線。

我終於明白香港地遍地黃金的意思了。我們祖國的偉大同胞或自家香港人一次又一次隨便地拎走香港不同地方的任何值錢物品,例如坑渠蓋羅漢松及而家的垃圾桶「內膽」。照我估計,這種另類香港掃貨團是早有預謀,一早就知道咩野係值錢,而且唔好賺的就唔要。

講真,唔想俾人一竹篙打一船人,阿爺好應該落手落腳去攪好公民意識。絕唔係起個靚靚的雀巣及水立方就代表文明昌盛,當奧運打來到,老百姓吐痰照舊、打尖照舊、打架照舊、打荷包照舊,真係失禮人前,真係自己拎架來丟呀!

唉!我謹祝偷垃圾桶「內膽」的狂徒可以在零八年良心發現,在攬住個內膽撤離之時可以啟發出,做垃圾筒生意都係有錢途。待生意成功後繼而在香港上市,正正式式Cap 香港人水,咁樣比偷到個內膽去賣錢更有滿足感啦!




1. 屈機 - 出污槽手段去贏鋪 game (如利用遊戲的bug,又或者用茅招)
2. 挑機 - 一個人打打下機有人入錢「叉撚住」 - (Challenge)
3. 跟機 - 個 game 太hit,勁多人玩,要用個一蚊或 coin 去排隊。
4. R 錢 - 即係俾人問拎錢。舊時情況差D ,而家無咁嚴重。
5. 讓Round - 打格鬥 game ,三盤兩勝,第一 Round 的勝出者唔讓第二 Round。(細個常遇呢種人。哈哈)
by karvitz | 2008-02-23 00:25 | :: 日記仔女