:: 午飯三幅被 (三督屁) - 1

※　今日午飯時一丁友去茶餐廳開飯，甫坐低就見到有一班人，其一中年男子頭髮短短，髮色銀白與黑相隔，好有型。再望真點，咁鬼似眼鏡店老板三哥？

再望佢一新打扮，黑白間條恤衫，黑色西褲，好鬼 鱷魚恤 Feel，但都著得幾有型。

但望多兩眼之後，我霎時記起佢在 賭場風雲的賣力演出，簡直震懾人心，諗起都回味 (XDD) 。

但三哥最值得愛的地方，都應該係佢對苗太的愛，就算苗太發漲成波，佢都係仍然同佢一齊共患難，幾痴心情長劍呢。(但內底有無去蒲就唔知啦)

P.S. 呢段美妮姐姐引誘三哥都好好笑喎 (記住睇到尾)