人気ブログランキング | 話題のタグを見る

:: Karvitz's Music Picks - Week 27 & 劉浩龍《Le Nouvel Album》


數劉浩龍的歌,你記得的會有幾多?

陳奕迅入主新藝寶,同類型的劉浩龍被迫離開。跳槽新「東」家 (東亞),先聲奪人的派台作〈神呀!求求讓我睡〉用電結他開首異常醒神,同時喚起副歌最深刻記憶的一句「神呀!求求讓我睡」。

歌曲講到失眠的痛苦,大抵不少人都試過,但失眠到咁聲嘶力竭就好少有。〈神呀!求求讓我睡〉一曲尚算搶耳,但卻唔容易入屋,會記得自己聽過,但卻唔會自己點唱。派一首唔算大路的歌之後就出碟,會唔會過份大膽?

《Le Nouvel Album》EP 有五首新歌加兩首混音版,再送埋葛文輝執導的音樂錄像,大件抵食,但唔知岩唔岩你胃口?

火花不等人〉係師兄的那手抒情慢版情歌,林夕用火花比喻那一瞬即逝的愛情,未捉得緊便要熄滅。大路情歌舒服好聽就已經足夠,可惜副歌部份太像影印本,「火花不等愛人」一句之後,我始終覺得係接住〈雙失情人節〉副歌部份的「在散心 可惜我太不幸 沒有份」,稍稍有點美中不足。

電台的宣傳廣告已經非常醒目地把〈神呀!求求讓我睡〉及〈浮誇〉的副歌Mix
埋一齊,編曲縱然有點相似,但始終都未算〈浮誇〉。勢估唔到黃偉文度身定造一首屬於劉浩龍的〈浮誇〉-〈大花面〉,無論在點題及唱法,都非常類同,再加上師兄的聲底與陳奕迅相似,那種鍊住鍊住唱的感覺,簡直同出一轍。

〈射程範圍〉係典型易聽的快歌,好喜歡副歌的一句「這個世界越壞越合情合理」,有壞人有好人才是正常,個個都抱住同一款道德標準做人,太樣版世界喇,玩模擬城市咩?〈射程範圍〉的編曲做到了你追我趕的感覺,一種強烈的追捕感非常突出,算係一首不錯的作品。

洗澡〉讓我想起〈花灑〉,同樣講用沖涼來釋懷,但明顯〈花灑〉營造的環境比較輕鬆舒服,而〈洗澡〉卻來得有點未能放鬆,仍然在繃緊的狀態,大抵可能係師兄肉緊演繹的關係吧。

五首新歌都算 Easy-Listening,唔難接受亦比預期討好。記得劉浩龍初出時的大碟《Start Up》,我亦有同樣的評價。可惜愈唱愈淡靜,無驚喜之餘仲Keep 唔到個勢,直走下坡到今日轉新東家再出發。

聽說唱片曾經賣斷市,對一位曾走下坡的歌手來說認真係可喜可賀,希望打後時間仍然繼續有得唱,留低唱得之人總好過留低那些只賣樣貌性格無靈魂有肉體的歌手好得多。

----------------------------------
            .:: Kar’ s Hot Picks ::.

1. Umberlla - Rihanna
2. 野草 – 郭富城
3. 先知 – 關智斌
4. 雙失情人節 – Twins
5. 苦情人 – Blueair
6. Beat it – Fall out boy
7. 一路好走 – 房祖明
8. 車匙 – 陳柏宇
9. 二等天使 – 側田
10.  一場誤會 – Janice
11.  十個他不如你一個 – Janice
12.  最愛演唱會 – 陳慧琳
by karvitz | 2008-07-06 23:10 | :: 有歌而發