:: 農曆年．結

明記飯店．銅鑼灣

一班朋友聚埋食餐團年飯，圍埋最緊要食得舒服及開心。


順序：炒蜆、咸蛋瘦肉白菜湯、蒸三色蛋及粉絲蝦煲。

推介：咸蛋瘦肉白菜湯及油墨菜煲

------------------------------------------------------------------------

三上日本料理．元朗

天寒地凍走入屯門睇戲，再順手過埋元朗開飯。雖說元朗的日本菜盛名，但混水摸魚的都有不少，呢間應該屬於後者。刺身尚算可接受，熱食的拉麵絕對不討好，义燒拉麵的义燒又厚又韌又乾，差。幸好燒牛柳粒都不錯，如果拉上補下咁計，呢間日本菜只屬合格。


順序：厚切三文魚、蟹籽沙律及燒牛柳粒。

而唯一可取的，就係呢間店營業到凌晨五點，真厲害。

------------------------------------------------------------------------

年宵市場．將軍澳

吃過團年飯後與親戚走到將軍澳年宵市場，地方細而檔口賣的物品都唔吸引 (我見到有可愛老鼠公仔賣，擺到明係上年賣唔去囉！)。全場最吸引都應該係突然劈價的年花檔，由原來十蚊一枝劈到五蚊一枝，再到最後劈到十蚊五枝，簡直群情胸湧，真係咁樣先似係過新年喇！:P


花市實景、五代同堂及入手十蚊五枝的年花。